അന്താരാഷ്ട്ര മയക്കുമരുന്ന് സംഘത്തിലെ രണ്ട് പേര്‍ 10 കിലോയോളം വരുന്ന ഹെറോയിനുമായി ഡല്‍ഹിയില്‍ പിടിയില്‍. രാജ്യാന്തര വിപണിയില്‍ ഹെറോയിന് 40 കോടിയോളം വില വരുമെന്ന് പൊലീസ് അറിയിച്ചു. കാറിലെ രഹസ്യ അറയില്‍ ഒളിപ്പിച്ച നിലയിലാണ് മയക്കുമരുന്ന് കണ്ടെടുത്തത്. നസീം എന്ന നസീര്‍, ദിനേശ് സിംഗ് എന്നിവരാണ് കസ്റ്റഡിയിലായ പ്രതികള്‍. ചോദ്യം ചെയ്യലില്‍ ഇവര്‍ രാജ്യാന്തര മയക്കുമരുന്ന് സംഘത്തിലെ അംഗങ്ങളാണെന്ന് വെളിപ്പെടുത്തി.
ഹെറോയിന് മ്യാന്‍മറില്‍ നിന്ന് മണിപ്പൂര്‍ വഴി ഇന്ത്യയിലേക്ക് കടത്തിയതാണെന്നും പൊലീസ് അറിയിച്ചു. സംഘത്തിലെ രണ്ട് അംഗങ്ങള്‍ ജാര്‍ഖണ്ഡില്‍ നിന്ന് വന്‍തോതില്‍ ഹെറോയിന് ശേഖരിച്ചുവെന്നും, ഡല്‍ഹി മീററ്റ് എക്സ്പ്രസ് വേയില്‍ എത്തുമെന്നും സ്‌പെഷ്യല്‍ സെല്ലിന് വിവരം ലഭിച്ചിരുന്നു. ഇതിന്‍ പ്രകാരമാണ് പരിശോധന നടന്നത്. അന്വേഷണത്തില്‍ ജാര്‍ഖണ്ഡിലെ നക്സലൈറ്റ് ബാധിത പ്രദേശങ്ങളിലും മണിപ്പൂരിലെ തീവ്രവാദ ബാധിത പ്രദേശങ്ങളിലും അനധികൃതമായി കൃഷി ചെയ്യുന്ന കറുപ്പില്‍ നിന്നാണ് ഹെറോയിന് നിര്‍മ്മിക്കുന്നതെന്ന് കണ്ടെത്തി.
English summary; Two members of an international drug gang have been arrested in Delhi
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.