കടൽത്തീരങ്ങളും ബീച്ചുകളും പ്ലാസ്റ്റിക് മാലിന്യ മുക്തമാക്കുന്നതിനായി ദേശീയതലത്തിൽ നടക്കുന്ന പുനീത് സാഗർ അഭിയാന്റെ ഭാഗമായി കേരളത്തിലേയും ലക്ഷദ്വീപിലേയും വിവിധ എൻസിസി യൂണിറ്റുകൾ തിരുവനന്തപുരം മുതൽ കാസർകോട് വരെയുള്ള ബീച്ചുകളിൽ നടത്തുന്ന ശുചീകരണ പ്രവർത്തികളുടെയും പ്രചാരണ പരിപാടികളുടെയും ഭാഗമായി കണ്ണൂർ പയ്യാമ്പലം ബീച്ചിൽ ശുചീകരണം നടത്തി.
കണ്ണൂർ 31 കേരള ബറ്റാലിയന്റെ ആഭിമുഖ്യത്തിൽ നടന്ന പരിപാടി മേയർ അഡ്വ. ടി ഒ മോഹനൻ, കലക്ടർ എസ് ചന്ദ്രശേഖർ ഐ എ എസ് എന്നിവർ ചേർന്ന് ഉദ്ഘാടനം ചെയ്തു. 31 കേരള എൻ സി സി കണ്ണൂർ കമാന്റിങ് ഓഫീസർ കേണൽ എൻ രമേഷ് അധ്യക്ഷനായി. വിവിധ കോളേജ്, സ്കൂളുകളിലെ ഇരുനൂറോളം കേഡറ്റുകൾ പങ്കെടുത്തു. എൻസിസി ഓഫീസർമാരായ ക്യാപ്റ്റൻ ഡോ. കെ ജിതേഷ്, ലെഫ്റ്റ്.ഡോ. പി വി സുമിത്ത്, ലെഫ്റ്റ്. ജയകൃഷ്ണൻ, ലെഫ്റ്റ്. ധനേഷ്, സുബേദാർ മേജർ വെങ്കടേസ്വർലു, കെയർ ടേക്കർ ഓഫീസർമാരായ രശ്മി, കെ.ശ്രീജ, എന്നിവർ നേതൃത്വം നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.