കേരള വനം വന്യജീവി വകുപ്പുമന്ത്രി എ കെ ശശീന്ദ്രൻ താമരശ്ശേരി ബിഷപ്പ് മാർ റമീജിയോസ് ഇൻജനാനിയലുമായി കൂടിക്കാഴ്ച നടത്തി. ഇന്നലെ രാവിലെ 8.30 ഓടെ താമരശ്ശേരി ബിഷപ്പ് ഹൗസിലായിരുന്നു കൂടിക്കാഴ്ച. കർഷകരുടെ ജീവനും കൃഷിക്കും ഭീഷണിയായ കാട്ടുപന്നി ശല്യം പരിഹരിക്കുന്നതിനനുകൂലമായ നിയമനിർമ്മാണ മുണ്ടാവുമെന്ന് കൂടിക്കാഴ്ചയിൽ മന്ത്രി വ്യക്തമാക്കി.
മനുഷ്യന്റെ ജീവനും കൃഷിക്കും വെല്ലുവിളിയായ കാട്ടുപന്നികളെ ക്ഷുദ്ര ജീവികളായി പ്രഖ്യാപിക്കുന്നതിന് കാത്തു നിൽക്കാതെ തദ്ദേശ സ്വയം ഭരണ സ്ഥാപനങ്ങൾക്ക് ഉചിതമായ തീരുമാനമെടുക്കാനുള്ള നടപടിക്രമങ്ങളെ കുറി ചാണ് സർക്കാറിന്റെ ആലോചനയിലുള്ളതെന്നും ഉടൻ തന്നെ നിയമ നിർമാണം നടത്തുമെന്നും മന്ത്രി വ്യക്തമാക്കി. വളരെ സന്തോഷകരമായ കുടിക്കാഴ്ചയായിരുന്നുവെന്ന് ബിഷപ്പ് പറഞ്ഞു. കർഷകർ നേരിടുന്ന പ്രശ്നങ്ങൾ തുറന്നു സംസാരിക്കുവാൻ സാധിച്ചുവെന്നും പ്രശ്ന പരിഹാരങ്ങളോട് മന്ത്രിക്ക് തുറന്ന സമീപനമായിരുന്നുവെന്നും ബിഷപ്പ് റമീജിയോസ് ഇൻജനാനിയൽ പറഞ്ഞു.
English Summary: Minister AK Sasindran met Bishop Thamarassery
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.