കാശി വിശ്വനാഥ ക്ഷേത്രത്തെക്കുറിച്ചുള്ള പരാമര്ശം വിവാദമായതിന് പിന്നാലെ ലഖ്നൗ സര്വകലാശാലയിലെ ദളിത് പ്രെഫസറെ ക്യാംപസില് വെച്ച് വിദ്യാര്ത്ഥി ആക്രമിച്ചതായി പരാതി.
ഹിന്ദി വിഭാഗം പ്രെഫസര് രവികാന്ത് ചന്ദനെ ഓഫീസിന് പുറത്തുവച്ച് കാര്ത്തിക് പാണ്ഡെ എന്ന വിദ്യാര്ഥി നേതാവ് ആക്രമിക്കുകയായിരുന്നു. കോളജിലെ രണ്ട് സുരക്ഷാ ഉദ്യോഗസ്ഥര് വിദ്യാര്ത്ഥിയെ കീഴടക്കി പൊലീസിന് കൈമാറി.
മുമ്പും പ്രെഫസറെ രവികാന്തിനെതിരെ ആക്രമണം നടന്നിരുന്നു. നേരത്തെ എബിവിപിയുടെ പരാതിയുടെ അടിസ്ഥാനത്തില് ഹിന്ദു മതവികാരം വ്രണപ്പെടുത്തിയെന്നാരോപിച്ച് പ്രെഫസറിനെതിരെ പൊലീസ് എഫ്ഐആര് രജിസ്റ്റര് ചെയ്തിരുന്നു.
സമാജ് വാദി പാര്ട്ടിയുടെ വിദ്യാര്ത്ഥി സംഘടനയായ സമാജ്വാദി ഛത്ര സഭയുടെ നേതാവാണ് കാര്ത്തിക് പാണ്ഡെ. സംഭവം നടന്ന് മണിക്കൂറുകള്ക്ക് ശേഷം ഇയാളെ സംഘടനയില് നിന്ന് പുറത്താക്കി.
സംഭവത്തില് വിദ്യാര്ത്ഥിയെ സസ്പെന്ഡ് ചെയ്തതായി സര്വകലാശാല അറിയിച്ചു. അതേസമയം തന്റെ ജീവന് ഭീഷണിയുണ്ടെന്ന് പ്രെഫസറെ രവികാന്ത് പറഞ്ഞു.
English summary;Viswanatha Temple Mention; Student attacks dalit professor
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.