രാജ്യത്ത് ഭവന വില 7.5 ശതമാനം ഉയരും. കഴിഞ്ഞ അഞ്ച് വര്‍ഷത്തിനിടെയുണ്ടായ ഏറ്റവും വലിയ വര്‍ധനയായിരിക്കുമെന്ന് റോയിട്ടേഴ്സ് നടത്തിയ പ്രോപ്പെര്‍ട്ടി വിദഗ്ധരുടെ സര്‍വേ വ്യക്തമാക്കുന്നു.
അടുത്ത രണ്ട് വര്‍ഷങ്ങളിലായി ഭവന വില ശരാശരി ആറ് ശതമാനം ഉയരും. മേയ് 11 മുതല്‍ 27 വരെ 13 പ്രോപ്പെര്‍ട്ടി വിദഗ്ധരാണ് സര്‍വേയില്‍ പങ്കെടുത്തത്. ഈ വര്‍ഷം അഞ്ച് ശതമാനം വര്‍ധനയുണ്ടാകുമെന്നാണ് മാര്‍ച്ച് മാസത്തില്‍ നടത്തിയ സര്‍വെ വ്യക്തമാക്കിയിരുന്നത്.
മുംബൈ, ഡല്‍ഹി എന്നിവിടങ്ങളില്‍ ഈ വര്‍ഷവും വരും വര്‍ഷവും നാല്, അഞ്ച് ശതമാനം വര്‍ധനയുണ്ടാകുമെന്നും സര്‍വേ വ്യക്തമാക്കുന്നു. ബംഗളുരുവിലും ചെന്നൈയിലും അടുത്ത രണ്ട് വര്‍ഷത്തിനുള്ളില്‍ 5.5 മുതല്‍ 6.5 ശതമാനം വരെ വര്‍ധിച്ചേക്കും.
വീടുകള്‍ക്ക് ആവശ്യക്കാര് വര്‍ധിച്ചതും നിര്‍മ്മാണ സാമഗ്രികളുടെ വില വര്‍ധിച്ചതുമാണ് വീടുകളുടെ വില ഉയരാനുള്ള പ്രധാന കാരണം. ഉയര്‍ന്ന പലിശ നിരക്കുകളും വീട് വാങ്ങുന്നവര്‍ക്ക് പ്രതികൂലമായിരിക്കും. ആദ്യമായി വീടുവാങ്ങുവരെയാണ് ഇത് ഏറ്റവും കൂടുതല്‍ ബാധിക്കുകയെന്നും സര്‍വേ വ്യക്തമാക്കുന്നു.
English summary;Housing prices will rise in the country
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.