പടവെട്ട് സിനിമയുടെ ഓഡിഷന് വിളിച്ച് വരുത്തി ലൈംഗികാതിക്രമം നടത്തിയെന്ന യുവ നടിയുടെ പരാതിയില്‍ നടപടി ആവശ്യപ്പെട്ട് വനിതാ സിനിമാ പ്രവർത്തകരുടെ കൂട്ടായ്മയായ ഡബ്ല്യൂസിസി രംഗത്ത്. സിനിമയുടെ സംവിധായകൻ ലിജു കൃഷ്ണയ്ക്കും എക്സിക്യുട്ടീവ് പ്രൊഡ്യൂസർ ബിപിൻ പോളിനും എതിരെ നടപടി എടുക്കണമെന്നാണ് ആവശ്യം.
കഴിഞ്ഞ ദിവസമാണ് എക്സിക്യുട്ടീവ് പ്രൊഡ്യൂസർ ബിപിൻ പോളിനെതിരെ നടി ‘മീ ടു’ ആരോപണം ഉന്നയിച്ചത്. സമൂഹമാധ്യമത്തിലൂടെയാണ് താൻ നേരിട്ട അനുഭവം നടി പങ്കുവച്ചത്. നേരത്തെ ബലാത്സംഗം ചെയ്ത കേസില്‍ സംവിധായകൻ ലിജു കൃഷ്ണയെ അറസ്റ്റ് ചെയ്തിരുന്നു. ഇതോടെ ഇരുവര്‍ക്കുമെതിരെ നടപടി എടുക്കണമെന്നും, സിനിമയുടെ ക്രെഡിറ്റ്സിൽ നിന്നും സംവിധായകന്റെയും എക്സിക്യുട്ടീവ് പ്രൊഡ്യൂസറുടെയും പേര് ഒഴിവാക്കണം എന്ന് ഡബ്ല്യുസിസി ആവശ്യപ്പെട്ടു.
ഓഡിഷന്റെ മറവിൽ ലൈംഗികാതിക്രമം നടത്തിയെന്ന പരാതി ഗൗരവതരമാണ്. ഇക്കാര്യത്തിൽ സർക്കാർ ഇടപെടണം, പരാതിക്കാരിക്ക് നീതി ലഭിക്കാനായി വനിതാ കമ്മിഷൻ ഇടപെടണം എന്നും ഡബ്ല്യുസിസി ആവശ്യപ്പെട്ടു.
English Summary: Sexual assault under the guise of audition: WCC seeks action on actress’s complaint
You may also like
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.