സ്റ്റാന്‍ഡ് അപ് കൊമേഡിയന്‍ മുനവ്വര്‍ ഫാറൂഖിയുടെ ഹൈദരാബാദിലെ പരിപാടിയില്‍ ഹിന്ദുത്വ സംഘടനകളുടെയും ബിജെപി പ്രവര്‍ത്തകരുടെയും പ്രതിഷേധം. കനത്ത സുരക്ഷയില്‍ ശില്പകലാ വേദികയില്‍ നടന്ന പരിപാടിയിലേക്ക് ചെറുസംഘങ്ങളായി ബിജെപി പ്രവര്‍ത്തകര്‍ നുഴഞ്ഞുകയറി മുദ്രാവാക്യം വിളിക്കുകയായിരുന്നു. 20 പേരെ പൊലീസ് അറസ്റ്റ് ചെയ്ത് നീക്കി.
സീതയെ അപമാനിച്ചുവെന്ന് ആരോപിച്ച് മുനവര്‍ ഫാറൂഖിക്കെതിരെ പ്രതിഷേധിക്കാന്‍ ബിജെപി എംപിയും ബിജെപി തെലങ്കാന സംസ്ഥാന പ്രസിഡന്റുമായ ബന്ദി സഞ്ജയ് കുമാര്‍ ആഹ്വാനം ചെയ്തിരുന്നു. നേരത്തെ, ബിജെപി എംഎല്‍എ ടി രാജ സിങ്ങും മുനവ്വറിനെതിരെ രംഗത്തെത്തിയിരുന്നു. ഹൈദരാബാദില്‍ കാലുകുത്തിയാല്‍ പരിപാടി നടക്കുന്നിടത്ത് വെച്ച്‌ തന്നെ മര്‍ദ്ദിക്കുമെന്നും വേദി കത്തിക്കുമെന്നുമായിരുന്നു എംഎല്‍എയുടെ ഭീഷണി. തുടര്‍ന്ന് ഹൈദരാബാദ് സിറ്റി പോലീസ് എംഎല്‍എയെ കരുതല്‍ തടങ്കലിലാക്കിയിരുന്നു.
ഹിന്ദുദൈവങ്ങളെ അധിക്ഷേപിച്ചുവെന്ന പേരില്‍ കഴിഞ്ഞ വര്‍ഷം ജനുവരിയില്‍ മുനവര്‍ ഫാറൂഖിയെയും മറ്റ് നാലുപേരെയും മധ്യപ്രദേശ് പൊലീസ് അറസ്റ്റ് ചെയ്തിരുന്നു. ഈ സംഭവത്തിന് ശേഷം കടുത്ത ആക്രമണങ്ങളാണ് ബിജെപി ഫാറൂഖിക്കെതിരെ നടത്തുന്നത്.
മുനവറിന്റെ പരിപാടികള്‍ ബിജെപിയുടെ ഭീഷണി കാരണം തുടര്‍ച്ചയായി റദ്ദാക്കപ്പെട്ടിരുന്നു. പ്രതിഷേധം ഭയന്ന് ഇന്നലെ ബംഗളുരുവില്‍ നടക്കേണ്ടിയിരുന്ന പരിപാടി റദ്ദാക്കിയിരുന്നു.
English Summary: BJP protests against Munawar Farooqui
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.