ആലപ്പുഴയില്‍ വിസ തട്ടിപ്പുകാരന്‍ അറസ്റ്റില്‍. പത്തനംതിട്ട കോന്നിയില്‍ ഇളകൊള്ളൂര്‍ അഭിത് ഭവനത്തില്‍ അജയകുമാര്‍ (49) ആണ് അമ്പലപ്പുഴ പൊലീസിന്റെ പിടിയിലായത്. പുറക്കാട് സ്വദേശി ശരത്തിനെ വിദേശത്ത് കൊണ്ടുപോകാമെന്നു പറഞ്ഞു പലപ്പോഴായി ബാങ്ക് അക്കൗണ്ട് വഴിയും നേരിട്ടും ഗ്രീൻ ജോബ് കോൺസുലേറ്റാൻസി എന്ന സ്ഥാപനത്തിന്റെ പേരിൽ 2,20,000 രൂപ ഇയാള്‍ കൈക്കലാക്കി. രൂപ കിട്ടയപ്പോള്‍ തന്നെ ഓഫർ ലെറ്റർ കൊടുക്കുകയും അത് വിശ്വസിച്ചു ബാക്കി തുക കൂടി ശരത് കൊടുക്കുകയും ചെയ്തു. പിന്നീടാണ് വ്യജ ഓഫർ ലെറ്റർ ആണ് എന്ന് ശരത്തിന് മനസ്സിലായത്. പണം തിരികെ ചോദിച്ചപ്പോൾ റഷ്യയിൽ കൊണ്ട് പോകാമെന്നു പറഞ്ഞു ശരത്തിന്റെ പാസ്പോർട്ട്‌ വാങ്ങി സ്റ്റാമ്പ്‌ ചെയ്തു കൊടുക്കുകയും ചെയ്തു. വിസ കാലാവധി കഴിഞ്ഞു എന്നറിഞ്ഞ ശരത് പണം തിരികെ ചോദിച്ചപ്പോൾ ഓരോ ഒഴിവുകഴിവുകൾ പറയും, ഫോൺ എടുക്കാതെയും വന്നതോടെ അമ്പലപ്പുഴ സ്റ്റേഷനിൽ പരാതി തരുകയും ശരത്തിന്റെ പരാതിയിൽ കേസെടുത്ത്‌ അന്വേഷണം ആരംഭിക്കുകയും ചെയ്തു. തുടര്‍ന്നാണ് പത്തനംതിട്ടയിൽ നിന്നും അജയകുമാറിനെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. അമ്പലപ്പുഴ പോലീസ് ഇൻസ്‌പെക്ടർ ദ്വിജേഷ് എസ, സബ് ഇൻസ്‌പെക്ടർ ടോൾസൺ പി ജോസഫ്, എസ് ഐ ബാലസുബ്രമണ്യം എന്നിവർ അടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
English Summary: Visa fraud by offering job abroad: Konni native arrested
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.