മഹാരാഷ്ട്രയിലെ നാസിക്കില്‍ കൈക്കൂലി വാങ്ങുന്നതിനിടെ സൈനികര്‍ പിടിയിലായി. മഹാരാഷ്ട്രയിലെ നാസിക്കിലെ കോംബാറ്റ് ആർമി ഏവിയേഷൻ ട്രെയിനിംഗ് സ്‌കൂളിലെ (സിഎടിഎസ്) സൈനികരെയാണ് സിബിഐ കൈയോടെ പിടികൂടിയത്. കരാറുകാരനിൽ നിന്ന് 1.2 ലക്ഷം രൂപയാണ് ഇവര്‍ കൈപ്പറ്റിയത്. ഗാന്ധിനഗറിലെ സിഎടിഎസ് പരിസരത്ത് കൈക്കൂലി തുക സ്വീകരിക്കുന്നതായി രഹസ്യവിവരം ലഭിച്ചതിന്റെ അടിസ്ഥാനത്തില്‍ പരിശോധന നടത്തുന്നതിനിടെയാണ് സൈനികര്‍ പിടിയിലായത്. സിഎടിഎസിലെ ചില മരാമത്ത് പണികളുടെ ബില്ല് മാറ്റി നല്‍കുന്നതിനായി ഒരു സർക്കാർ കരാറുകാരനിൽ നിന്ന് 1.20 ലക്ഷം രൂപ സൈനികര്‍ ആവശ്യപ്പെട്ടിരുന്നു.
ഇന്ത്യൻ സൈന്യത്തിന്‍റെ അച്ചടക്കത്തിന് എതിരാണ് ഇത്തരം പ്രവൃത്തികൾ എന്നും കുറ്റക്കാർക്കെതിരെ കർശനമായ അച്ചടക്ക നടപടി സ്വീകരിക്കുമെന്നും സൈന്യം വെള്ളിയാഴ്ച പുറത്തിറക്കിയ പ്രസ്താവനയിൽ അറിയിച്ചു.
ഇരുവരെയും ഒക്ടോബർ 20 വരെ ജുഡീഷ്യൽ കസ്റ്റഡിയിൽ റിമാൻഡ് ചെയ്തിട്ടുണ്ടെന്നും സിബിഐ അറിയിച്ചു.
English Summary: Soldiers caught while accepting bribe: Soldiers took more than Rs.1 lakh
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.