കോഴിക്കോട് ബാർ അസോസിയേഷൻ ഏർപ്പെടുത്തിയ ആദ്യത്തെ തകഴി ശിവശങ്കരപിള്ള അവാർഡിന് മഞ്ചേരി ബാറിലെ അഭിഭാഷകൻ ടി പി രാമചന്ദ്രൻ രചിച്ച ഒരു ദേശത്തിന്റെ കഥ പറയുന്ന ‘ചേറുമ്പ് അംശം ദേശം’ എന്ന നോവൽ അർഹമായി. 30,000 രൂപയും പ്രശസ്തി പത്രവും അടങ്ങുന്നതാണ് അവാർഡ്.
പ്രശസ്ത എഴുത്തുകാരൻ ശത്രുഘ്നൻ ചെയർമാനായി ഡോ. എൻ പി ഹാഫിസ് മുഹമ്മദ്, ഡോ. കെ വി തോമസ് എന്നിവരടങ്ങിയ ജൂറിയാണ് സമ്മാനാര്‍ഹമായ കൃതി തെരഞ്ഞെടുത്തത്. ജ്ഞാനപീഠം ജേതാവായ തകഴി ശിവശങ്കരപിള്ള അഭിഭാഷകനും കൂടിയായിരുന്നതിനാൽ അദ്ദേഹത്തിന്റെ ഓർമ്മക്കായി കേരളത്തിലെ അഭിഭാഷകർക്കിടയിലെ ഏറ്റവും നല്ല നോവലിസ്റ്റിനാണ് മൂന്നുവർഷത്തിലൊരിക്കൽ അവാർഡ് നൽകുവാൻ തീരുമാനിച്ചിട്ടുള്ളതെന്ന് കാലിക്കറ്റ് ബാർ അസോസിയേഷൻ പ്രസിഡന്റ് അഡ്വ. എം എസ് സജി, സെക്രട്ടറി അഡ്വ. കെ ശ്രീകാന്ത് എന്നിവർ അറിയിച്ചു. ഈ മാസം മൂന്നാമത്തെ ആഴ്ച കാലിക്കറ്റ് ബാർ അസോസിയേഷനിൽ നടക്കുന്ന ചടങ്ങിൽ അവാർഡ് സമ്മാനിക്കും.
English Summary: Thakazhi Sivasankarapilla Award to TP Ramachandran
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.