ശിശുമരണ നിരക്ക്‌ അടക്കമുള്ള സാമൂഹ്യസൂചികകളിൽ 15 വർഷക്കാലയളവിൽ ഗുജറാത്ത് പിറകോട്ടുപോയതായി റിപ്പോർട്ട്‌.ദേശീയ കുടുംബാരോഗ്യ സർവേ, കേന്ദ്ര സ്ഥിതിവിവര മന്ത്രാലയം, നിതി ആയോഗ്‌ റിപ്പോർട്ടു പ്രകാരം ഗുജറാത്തിന്റെ പ്രകടനം മോശമായികൊണ്ടിരിക്കുന്നു. സംസ്ഥാനം 1998 മുതൽ ബിജെപിയാണ്‌ ഭരിക്കുന്നത്.
സ്‌കൂളിൽ പോകാൻ അവസരം ലഭിച്ച സ്‌ത്രീകളുടെ എണ്ണത്തില്‍ ഗുജറാത്തില്‍ വലിയ കുറവുണ്ടായി. ഈ രംഗത്ത് കേരളമാണ് ഒന്നാമത്‌. 2005–06ൽ പട്ടികയിൽ 15-ാമതായിരുന്ന ഗുജറാത്ത് 2020–21 ല്‍19-ാം സ്ഥാനത്തായി.പ്രായപൂർത്തി എത്തുംമുമ്പേ വിവാഹിതരാകേണ്ടി വരുന്ന സ്‌ത്രീകളുടെ എണ്ണം ഗുജറാത്തില്‍ കൂടി. ഏറ്റവും കുറവ് ഹിമാചലിലും കേരളത്തിലും. ശിശുമരണ നിരക്കിൽ ഗുജറാത്ത് 19-ാം സ്ഥാനത്താണ്‌. ഏറ്റവും കുറവ് കേരളത്തില്‍.
കുട്ടികളുടെ വളർച്ചമുരടിപ്പിൽ ഗുജറാത്ത് 26-ാമതും പോഷകാഹാരക്കുറവിൽ 29-ാമതുമാണ്‌. ശുചിത്വ സൂചികയിൽ പതിനെട്ടാമതും. ഈ പട്ടികയിലും ഒന്നാമത്‌ കേരളം തന്നെ. ഉന്നതവിദ്യാഭ്യാസ പ്രവേശന നിരക്കിൽ 23-ാം സ്ഥാനവും പ്രാഥമിക വിദ്യാഭ്യാസ പ്രവേശന നിരക്കിൽ 21-ാമതും ഹയർസെക്കൻഡറി പ്രവേശന നിരക്കിൽ 24-ാം സ്ഥാനത്തുമാണ്‌ ഗുജറാത്ത്.
മനുഷ്യവികസന സൂചികയിൽ 16–-ാമത്‌ മാത്രം. ഒന്നാമത്‌ കേരളം. ഏറ്റവുംഅപകടകരമായമാലിന്യങ്ങൾ ഉൽപ്പാദിപ്പിക്കുന്ന സംസ്ഥാനവും ഗുജറാത്തുതന്നെ.പ്ലാസ്റ്റിക്‌ മാലിന്യ ഉൽപ്പാദനത്തിൽ സംസ്ഥാനങ്ങളുടെ പട്ടികയിൽ 27-ാമതും മലിനജല ശുചീകരണ മാനദണ്ഡങ്ങൾ പിന്തുടരുന്ന വ്യവസായങ്ങളുടെ പട്ടികയിൽ 24-ാമതുമാണ്‌.
English Summary:
Gujarat backs down under BJP rule, decline in social indices
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.