ആദിപുരുഷ് ജോഡികളായ പ്രഭാസും കൃതി സനോനും പ്രണയത്തിലാണെന്ന വാര്‍ത്തകളാണ് ഇപ്പോള്‍ ബി ടൗണില്‍ ചൂടേറിയ ചര്‍ച്ചാ വിഷയം. മുന്‍പും താരങ്ങളെക്കുറിച്ച് ഗോസിപ്പുകള്‍ ഉണ്ടായിരുന്നെങ്കിലും ഇതുവരെ സ്ഥിരീകരിച്ചിരുന്നില്ല. ഇരുവരും ഒന്നിച്ച് അഭിനയിച്ച ആദിപുരുഷ് എന്ന ചിത്രം ഉടൻ പുറത്തിറങ്ങാനിരിക്കെയാണ് എന്നാല്‍ ഇപ്പോള്‍ വരുൺ ധവാന്‍ പ്രഭാസും ക‍ൃതിയും തമ്മിലുള്ള ബന്ധത്തെക്കുറിച്ച് സൂചന നല്‍കിയത്.
ഭേഡിയയുടെ പ്രചരണത്തിനു ഒരു ടിവി റിയാലിറ്റി ഷോയിൽ എത്തിയ വരുണ്‍ ധവാന്‍ മാധുരി ദീക്ഷിത് അല്ലാതെ ആരാണ് ഏറ്റവും സുന്ദരി എന്ന് ഷോയിൽ കരൺ ജോഹറിനോട് ചോദിച്ചു. കജോൾ, റാണി, ആലിയ, കരീന, ദീപിക എന്നിവരായിരുന്നു ഓപ്ഷനുകൾ. ഇതിന് മറുപടിയായി കരൺ ജോഹർ ദീപിക പദുകോണിന്റെ പേരാണ് സ്വീകരിച്ചത്. എന്തുകൊണ്ടാണ് കൃതിയെ തന്റെ പട്ടികയിൽ ഉൾപ്പെടുത്താത്തത് എന്ന കരൺ ജോഹറുടെ ചോദ്യത്തിന് കൃതിയുടെ പേര് പട്ടികയിൽ ഇല്ല കാരണം അവളുടെ പേര് ഒരാളുടെ ഹൃദയത്തിൽ ഉണ്ടെന്നാണ് വരുൺ നൽകിയ മറുപടി.
അത് ആരുടെ ഹൃദയത്തിലാണ് എന്ന് കരൺ ജോഹർ ചോദ്യത്തിന് മുംബൈയിൽ ഇല്ലാത്ത ഒരാളാണ് അതെന്നും, അദ്ദേഹം ഇപ്പോൾ ദീപിക പദുക്കോണിനൊപ്പം ചിത്രീകരണത്തിലാണെന്നുമാണ് വരുണ്‍ മറുപടി നല്‍കിയത്. അതേസമയം ഇത് കേട്ട കരൺ ജോഹർ ഞെട്ടുകയും ചെയ്യുന്നുണ്ട്. ദീപിക പദുക്കോണിനൊപ്പം പ്രൊജക്ട് കെ എന്ന ചിത്രത്തിന്റെ ഷൂട്ടിങിലാണ് ഇപ്പോൾ പ്രഭാസുള്ളത്.
English Summary:Who is Prabhas’ girlfriend? A hot debate in Bollywood
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.