ജഞാനവിനിമയ ഗവേഷണം ദേശീയ സമ്മേളനത്തിന് കൊച്ചിയില്‍ തുടക്കമായി. രണ്ടു നാള്‍ നീണ്ടു നില്‍ക്കുന്ന സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. വിദൂര പഠനത്തിന് പോകാന്‍ ശ്രമിക്കുന്ന പ്രവണത കുറച്ച് ഉന്നത വിദ്യാഭ്യാസത്തിന് സംസ്ഥാനത്ത് തന്നെ കൂടുതല്‍ അവസരം ഒരുങ്ങുകയാണെന്ന് മുഖ്യമന്ത്രി പറഞ്ഞു.പരീക്ഷണശാലകളിലും ഗവേഷണ ജേണലുകളിലും വൈജ്ഞാനിക കോണ്‍ഫറന്‍സുകളിലും ചര്‍ച്ച ചെയ്യപ്പെടുന്ന അറിവുകളെ പ്രായോഗികമായി ഉപയോഗിക്കുന്നതിനെക്കുറിച്ചാണ് സമ്മേളനം ചര്‍ച്ച ചെയ്യുന്നത്.
സംസ്ഥാനത്തെ വിവിധ സര്‍വ്വകലാശാലകളില്‍ ഇതുമായി ബന്ധപ്പെട്ട ഗവേഷണകേന്ദ്രങ്ങള്‍ ആരംഭിക്കാന്‍ സര്‍ക്കാര്‍ അനുമതി നല്‍കിയിട്ടുണ്ട്. ഇതിന്റെ പശ്ചാത്തലത്തില്‍ കൂടിയാണ് കൊച്ചിന്‍ യൂണിവേഴ്‌സിറ്റി സെമിനാര്‍ ഹാളില്‍ രണ്ടു നാള്‍ നീണ്ടു നില്‍ക്കുന്ന ദേശീയ സമ്മേളനത്തിന് തുടക്കമായത്.
മെഡിക്കല്‍ വിദ്യാഭ്യസം, ആശയവിനിമയം, സഹകരണം എന്നിവയെ ഉള്‍പ്പെടുത്തി അറിവിനെ സേവനങ്ങളും ഉല്‍പ്പന്നങ്ങളുമാക്കി മാറ്റുവാനാണ് ജ്ഞാന വിനിമയ ഗവേഷണം വിഭാവനം ചെയ്തിരിക്കുന്നതെന്ന് ചടങ്ങില്‍ അധ്യക്ഷത വഹിച്ച് മന്ത്രി ഡോ. ആര്‍ ബിന്ദുവും വ്യക്തമാക്കി. മന്ത്രി പി രാജീവ്, റിസര്‍ച്ച് കേന്ദ്രങ്ങള്‍ സ്ഥാപിക്കാനായി തെരഞ്ഞെടുക്കപ്പെട്ട സര്‍വ്വകലാശാലകളുടെ വൈസ് ചാന്‍സലര്‍മാര്‍, കേന്ദ്രങ്ങളുടെ ഡയറക്ടര്‍മാര്‍ തുടങ്ങിയവരും ചടങ്ങില്‍ പങ്കെടുത്തു.
English Summary:
The Chief Minister said that more opportunities are being prepared in the state for higher education
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.