ഇന്ത്യയുടെ ചാന്ദ്ര ദൗത്യം ചന്ദ്രയാൻ‑3ന്റെ നാലാം ഭ്രമണപഥമുയര്‍ത്തല്‍ വിജയകരമെന്ന് ഐഎസ്ആര്‍ഒ. ബംഗളൂരുവിലെ ഐഎസ്ടിഅര്‍എസിയിലായിരുന്നു ദൗത്യം. ചന്ദ്രയാൻ‑3ന് ഇനി ഒരു ഭ്രമണപഥമുയര്‍ത്തല്‍ കൂടിയാണ് അവശേഷിക്കുന്നത്. അഞ്ചാമത്തെയും അവസാനത്തെയും ഘട്ട ഭ്രമണപഥമുയര്‍ത്തല്‍ 25നാണ്. അടുത്ത മാസം അഞ്ചിന് ചന്ദ്രന്റെ ഗുരുത്വാകര്‍ഷണ വലയത്തിലേക്ക് കടക്കുന്ന ചന്ദ്രയാൻ 23ന് ചന്ദ്രോപരിതലത്തില്‍ സോഫ്റ്റ് ലാൻഡിങ് നടത്തും.
അതേസമയം ഗഗൻയാൻ സര്‍വീസ് മൊഡ്യൂള്‍ പ്രൊപ്പല്‍ഷൻ സിസ്റ്റം മഹേന്ദ്രഗിരിയിലെ ഐഎസ്ആര്‍ഒ പ്രൊപ്പല്‍ഷൻ കോംപ്ലക്സില്‍ പരീക്ഷിച്ചതായി ഐഎസ്ആര്‍ഒ അറിയിച്ചു. അഞ്ച് ലിക്വിഡ് അപ്പോജീ മോട്ടോര്‍ എൻജിൻ, 16 റിയാക്ഷൻ കണ്‍ട്രോള്‍ സിസ്റ്റം ത്രസ്റ്റേഴ്സ് എന്നിവ ഉള്‍പ്പെട്ടതായിരുന്നു പരീക്ഷണം.
രാജ്യത്തിന്റെ ആദ്യ മനുഷ്യ ബഹിരാകാശ ദൗത്യമായ ഗഗൻയാൻ മൂന്ന് പേരടങ്ങുന്ന സംഘത്തെ 400 കിലോമീറ്റര്‍ ഭ്രമണപഥത്തിലെത്തിച്ച് തിരികെയെത്തിക്കാനാണ് ലക്ഷ്യമിടുന്നത്. എല്‍വിഎം മാര്‍ക്ക്3 യിലാണ് ഗഗൻയാൻ വിക്ഷേപിക്കുക. ഓഗസ്റ്റിലാണ് ഗഗൻയാന്റെ ആദ്യ അബോര്‍ട്ട് ടെസ്റ്റിന് പദ്ധതിയിട്ടിട്ടുള്ളത്.
english summary; Chandrayaan‑3: 4th stage successful in orbit raising
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.