16 April 2024, Tuesday

Related news

November 16, 2023
October 27, 2023
September 22, 2023
September 21, 2023
September 20, 2023
September 18, 2023
September 17, 2023
September 15, 2023
September 14, 2023
September 6, 2023

ചന്ദ്രയാൻ‑3 ഉണരുമോ? നാളെ അറിയാം

Janayugom Webdesk
ബംഗളൂരു
September 21, 2023 8:54 am

രണ്ടാഴ്ചത്തെ നിദ്രയ്ക്കുശേഷം ചന്ദ്രയാൻ‑3 ഉണരുമോ എന്ന കാര്യം നാളെ അറിയാം. സെപ്റ്റംബര്‍ രണ്ടിനാണ് ശാസ്ത്രീയ ഉപകരണങ്ങള്‍ ഓഫ് ചെയ്ത് വിക്രം ലാൻഡറും പ്രഗ്യാൻ റോവറും സ്ലീപ്പ് മോഡിലേക്ക് കടന്നത്. ലാൻഡറിന്റെയും റോവറിന്റെയും ബാറ്ററി പൂര്‍ണമായി ചാര്‍ജ് ആണെന്നും സോളാര്‍ പാനലുകളില്‍ നാളെ സൂര്യനില്‍ നിന്നുള്ള ആദ്യ പ്രകാശ രശ്മികള്‍ ഏല്‍ക്കുമെന്നും ഐഎസ്ആര്‍ഒ സമൂഹമാധ്യമമായ എക്സില്‍ കുറിച്ചു.

നാളെ ഉറക്കമുണര്‍ന്നില്ലെങ്കില്‍ ഇന്ത്യയുടെ ചാന്ദ്ര ദൗത്യത്തിന്റെ അടയാളങ്ങളായി അവ നിലനില്‍ക്കുമെന്നും ബഹിരാകാശ ഏജൻസി അറിയിച്ചു. വിക്രം ലാൻഡര്‍ ലക്ഷ്യം കൈവരിച്ചതായും ഐഎസ്ആര്‍ഒ അറിയിച്ചു. ചന്ദ്രോപരിതലത്തില്‍ സോഫ്റ്റ് ലാൻഡിങ് നടത്തുക എന്നതും ചന്ദ്രോപരിതലത്തില്‍ ശാസ്ത്രീയ പരീക്ഷണങ്ങള്‍ നടത്തുക എന്നതുമായിരുന്നു ദൗത്യത്തിന്റെ ലക്ഷ്യം. 14 ദിവസം ചന്ദ്രോപരിതലത്തെക്കുറിച്ചുള്ള ഗവേഷണങ്ങള്‍ നടത്തി.

വിക്രം ലാൻഡര്‍ അതേ ഇടത്തില്‍ തുടര്‍ന്നപ്പോള്‍ പ്രഗ്യാൻ റോവര്‍ ചന്ദ്രോപരിതലത്തില്‍ സഞ്ചരിച്ച് വിവരങ്ങള്‍ ശേഖരിക്കുകയായിരുന്നു. ചന്ദ്രോപരിതലത്തിലെ തണുപ്പിനെ അതിജീവിക്കാൻ കഴിയാത്ത സാഹചര്യത്തിലാണ് ചന്ദ്രയാനെ സ്ലീപ്പ് മോഡിലേക്ക് മാറ്റിയത്. മൈനസ് 200 ഡിഗ്രിയായിരുന്നു ചന്ദ്രോപരിതലത്തിലെ താപനില. സാങ്കേതിക ഉപകരണങ്ങള്‍ ഇത്തരം തീവ്ര കാലാവസ്ഥകളില്‍ പ്രവര്‍ത്തിക്കുക അസാധ്യമാണ്. എന്നാല്‍ ചന്ദ്രയാൻ സ്ലീപ്പ് മോഡില്‍ നിന്ന് ഉണര്‍ന്നാല്‍ അത് മറ്റൊരു ചരിത്രമാകും.

Eng­lish Sum­ma­ry: Chandrayaan‑3
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.