വെള്ളപ്പൊക്കത്തെ അതിജീവിക്കാൻ താറാവുകൾക്ക് വിശ്രമസ്ഥലം ഒരുക്കിയ സ്റ്റാൻലി ബേബിയുടെ കൃഷിയിടം കായംകുളം കൃഷി വിജ്ഞാന കേന്ദ്രം ശാസ്ത്ര സംഘം സന്ദർശിച്ചു. കർണ്ണാടകയിലെ 14 കേന്ദ്രങ്ങളിൽ നിന്നുമുള്ള പ്രതിനിധികൾ ആണ് തലവടിയിൽ എത്തിയത്. വെള്ളപ്പൊക്കത്തിന് കാരണമാകുന്ന മഴക്കാലത്ത് താറാവുകളെ സംരക്ഷിക്കാൻ ലളിതവും കൗതകവുമായ ഒരു പരിഹാരം തേടിയായിരുന്നു കുട്ടനാട് തലവടി 11-ാം വാർഡിൽ തോട്ടയ്ക്കാട്ട്പറമ്പിൽ സ്റ്റാൻലി (43) ഇതിലേക്ക് എത്തിയത്.
കഴിഞ്ഞ 15 വർഷമായി താൻ ജോലി ചെയ്ത ദുബായിൽ നിന്ന് മടങ്ങിയെത്തിയ ശേഷം മത്സ്യകൃഷിയും താറാവ് വളർത്തലും ഏറ്റെടുത്ത സ്റ്റാൻലി, എല്ലാ വർഷവും വെള്ളപ്പൊക്ക ദിനങ്ങളിൽ താറാവുകൾക്ക് വിശ്രമസ്ഥലം ഒരുക്കാൻ അനുഭവിക്കുന്ന ദുരിതങ്ങൾക്ക് പരിഹാരത്തിന്റെ ആവശ്യകത തിരിച്ചറിഞ്ഞു. പിവിസി പൈപ്പുകൾ, പ്ലാസ്റ്റിക് ബാരലുകൾ, ഇരുമ്പ് വയർ മെഷ് എന്നിവ പോലെയുള്ള വസ്തുക്കളാണ് സ്റ്റാൻലി അതിനായി ഉപയോഗിച്ചത്.
പിവിസി പൈപ്പുകൾ ദൃഢമായ ചട്ടക്കൂടില്‍ വെള്ളപ്പൊക്ക സമയത്ത് കൂട് പൊങ്ങിക്കിടക്കുന്നതിന് ഉറപ്പാക്കാൻ പ്ലാസ്റ്റിക് ബാരലുകൾ ഘടിപ്പിച്ചായിരുന്നു നിര്‍മാണം. കായംകുളം കൃഷി വിജ്ഞാന കേന്ദ്രം സീനിയർ സയന്റിസ്റ്റ് ഡോ. എസ് രവി, പൊതുപ്രവർത്തകൻ ഡോ. ജോൺസൺ വി ഇടിക്കുള എന്നിവരായിരുന്നു ഇവിടെ എത്തിയത്.
English Summary: Stanley made a resting place for ducks during floods
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.