ഷോളയാറിൽ ചുങ്കം എസ്റ്റേറ്റിലെ പുഴയിൽ കളിക്കാനിറങ്ങിയ അഞ്ച് പേർ മുങ്ങി മരിച്ചു. കോയമ്പത്തൂർ സ്വദേശികളായ വിനീത്, ധനുഷ്, അജയ്, നഫീൽ, ശരത് എന്നിവരാണ് മരിച്ചത്. ഇന്ന് വൈകിട്ട് നാലരയോടെയാണ് സംഭവം. കോയമ്പത്തൂര്‍ എസ്എൻഎംവി കോളേജിലെ വിദ്യാർത്ഥികളും സുഹൃത്തുക്കളുമാണ് അപടത്തില്‍പ്പെട്ടത്. മരിച്ച വിനീതും ധനുഷും സഹോദരങ്ങളാണ്. വിനീത് എംഎസ്‌സി ബയോടെക് പൂര്‍ത്തിയാക്കിയ വിദ്യാർത്ഥിയും ധനുഷ് ബിഎസ്‌സി ബയോടെക് അവസാന വർഷ വിദ്യാർത്ഥിയും. ധനുഷിന്റെ സഹപാഠികളാണ് അജയ്, നഫീൽ എന്നിവർ. ശരത് ഇവരുടെ സുഹൃത്താണ്.
പത്തംഗ സംഘമാണ് ഷോളയാറിലെ ചുങ്കം എസ്റ്റേറ്റിലെത്തിയത്. അടപകടമുണ്ടായയുടന്‍ ഒപ്പമുണ്ടായിരുന്നവർ പുറത്തെത്തി നാട്ടുകാരെ വിവരമറിയിച്ചു. നാട്ടുകാരും പൊലീസും ഫയർഫോഴ്സും ചേർന്നു നടത്തിയ തെരച്ചിലിലാണ് അഞ്ചുപേരുടെയും മൃതദേഹം പുറത്തെത്തിച്ചത്. വാൽപ്പാറ ആശുപത്രിയിൽ സൂക്ഷിച്ചിരിക്കുന്ന മൃതദേഹങ്ങൾ പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടു നൽകും.
English Summary: Five college students who took a bath in the river were swept away and died
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.