ആംആദ്മി പാർട്ടി നേതാവ് രാഘവ് ഛദ്ദയുടെ രാജ്യസഭയിൽ നിന്നുള്ള സസ്പെൻഷൻ തിങ്കളാഴ്ച രാജ്യസഭാ ചെയർമാൻ ജഗ്ദീപ് ധൻഖർ പിൻവലിച്ചു. പാർലമെന്റിന്റെ മൺസൂൺ സമ്മേളനത്തിനിടെ ഛദ്ദയുടെ അംഗത്വം സസ്പെൻഡ് ചെയ്തു, ബിജെപി പാർലമെന്റ് അംഗം ജിവിഎൽ നരസിംഹ റാവു അവതരിപ്പിച്ച പ്രമേയത്തെത്തുടർന്ന് അസാധുവാക്കി. എഎപി നേതാവിന്റെ സസ്പെൻഷൻ വിഷയം ചർച്ച ചെയ്യാൻ രാജ്യസഭയുടെ പ്രിവിലേജസ് കമ്മിറ്റി യോഗം ഇന്ന് ഉച്ചയ്ക്ക് പാർലമെന്റിൽ ചേർന്നു. ഒരു വീഡിയോ സന്ദേശത്തിൽ, ഛദ്ദ പറഞ്ഞു,
സുപ്രീംകോടതിയുടെ ഇടപെടൽ എന്റെ സസ്പെൻഷൻ റദ്ദാക്കുന്നതിലേക്ക് നയിച്ചു സഭയിൽ അവതരിപ്പിച്ച പ്രമേയത്തിലൂടെ സസ്പെൻഷൻ പിൻവലിച്ചു. എന്നെ 115 ദിവസത്തേക്ക് സസ്പെൻഡ് ചെയ്തു. ‚ഈ കാലയളവിൽ എനിക്ക് ചോദ്യങ്ങൾ ചോദിക്കാൻ കഴിഞ്ഞില്ല. ഇന്ന് ബഹുമാനപ്പെട്ട സുപ്രീം കോടതിക്കും രാജ്യസഭാ ചെയർമാനോടും നന്ദി പറയുന്നതായി ഛദ്ദ പറഞ്ഞു
പ്രത്യേകാവകാശ ലംഘനത്തിന് ഈ വർഷം ഓഗസ്റ്റ് 11 ന് ഛദ്ദയെ രാജ്യസഭയില്‍ നിന്ന് സസ്പെൻഡ് ചെയ്തിരുന്നത്. സെലക്ട് കമ്മിറ്റിയിൽ പേരുകൾ ഉൾപ്പെടുത്തുന്നതിന് മുമ്പ് അഞ്ച് രാജ്യസഭാ എംപിമാരുടെ സമ്മതം വാങ്ങിയില്ലെന്നാണ് എംപിക്കെതിരെയുള്ള ആരോപണം. രാജ്യസഭയിൽ ഡൽഹി സർവീസസ് ബില്ലുമായി ബന്ധപ്പെട്ട പ്രമേയത്തിൽ അഞ്ച് എംപിമാരുടെ വ്യാജ ഒപ്പിട്ടതിന് അദ്ദേഹത്തിനെതിരായ ആരോപണത്തിൽ പ്രിവിലേജ് കമ്മിറ്റി കണ്ടെത്തൽ സമർപ്പിക്കുന്നതുവരെ അദ്ദേഹത്തെ സസ്പെൻഡ് ചെയ്തു.
സസ്പെൻഷൻ നിയമവിരുദ്ധവും നിയമത്തിന്റെ അധികാരമില്ലാത്തതുമാണെന്ന് ഛദ്ദ പറഞ്ഞിരുന്നു. സസ്പെൻഷൻ നേരിട്ട ഛദ്ദ, രാജ്യസഭയില്‍ നിന്നുള്ള തന്റെ അനിശ്ചിതകാല സസ്പെൻഷനെ ചോദ്യം ചെയ്ത് സുപ്രീം കോടതിയെ സമീപിച്ചു. എന്നാൽ, ജഗ്ദീപ് ധൻഖറിനെ കാണാനും നിരുപാധികം മാപ്പ് പറയാനും സുപ്രീം കോടതി ഛദ്ദയോട് ആവശ്യപ്പെട്ടു.
English Summary:
AAP leader Raghav Chadha’s suspension from Rajya Sabha lifted
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.