കണ്ണൂർ മട്ടന്നൂരിൽ ദമ്പതികളെ തൂങ്ങിമരിച്ച നിലയിൽ കണ്ടെത്തി. ഗോകുലം വീട്ടിൽ ബാബു (58), ഭാര്യ സജിത (55) എന്നിവരെയാണ് മരിച്ച നിലയിൽ കണ്ടെത്തിയത്. പ്രവാസിയായിരുന്ന ബാബു കഴിഞ്ഞ 10 വർഷമായി നാട്ടിലാണ്. ഉച്ചയായിട്ടും വീട് അടഞ്ഞ് കിടന്നതിനാൽ സംശയം തോന്നിയ സമീപവാസികൾ തൊട്ടടുത്ത് തന്നെ താമസിക്കുന്ന മകൻ സുബിജിത്തിനെ വിവരം അറിയിക്കുകയായിരുന്നു.
വീടിൻറെ സ്പെയർ താക്കോൽ കൈവശമുണ്ടായിരുന്ന മകൻ അതുപയോഗിച്ച് വാതിൽ തുറന്നപ്പോഴാണ് ഇരുവരെയും തൂങ്ങിയ നിലയിൽ കണ്ടെത്തിയത്. ബാങ്കിൽ നിന്നും കടമെടുത്തിരുന്ന ഇവർ പലിശ സഹിതം 25 ലക്ഷം തിരിച്ചടയ്ക്കാനുണ്ടായിരുന്നുവെന്നാണ് നാട്ടുകാർ പറയുന്നത്. ഇതിൻറെ മനപ്രയാസത്തിലാകാം ആത്മഹത്യയെന്നാണ് നിഗമനം. സുബിജിത്തിനെ കൂടാതെ ജിബിഷ എന്നൊരു മകൾ കൂടി ഇവർക്കുണ്ട്. സംഭവം അറിഞ്ഞ് സ്ഥലത്തെത്തിയ മട്ടന്നൂർ പൊലീസ് അന്വേഷണം ആരംഭിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.