ഗുജറാത്തില് ബിജെപി മന്ത്രിസഭ പുനസംഘടിപ്പിച്ചതിനു പിന്നില് ഭണവിരുദ്ധവികാരവും, അഴിമതിയും , പാര്ട്ടിക്കുള്ളിലെ ഉള്പ്പോരുമാണ്, കഴിഞ്ഞ മൂന്നു പതിറ്റാണ്ടായി ബിജെപിയാണ് ഗുജറാത്തില് ഭരിക്കുന്നത്. കഴിഞ്ഞ മെയ് മാസത്തില് മന്ത്രി ബച്ചുഭായ് ഖബാദിന്റെ മകൻ ബൽവന്ത് ഖബാദിനെ 71 കോടി രൂപയുടെ എംജിഎൻആർഇജിഎ അഴിമതിയിൽ പങ്കുണ്ടെന്ന് ആരോപിച്ച് അറസ്റ്റ് ചെയ്തു, ചില കരാർ ഏജൻസികൾ ജോലി പൂർത്തിയാക്കാതെയോ സാധനങ്ങൾ വിതരണം ചെയ്യാതെയോ സർക്കാരിൽ നിന്ന് പണം സ്വീകരിച്ചതായി അയാള്ക്കെതിരെ ആരോപണം ഉണ്ടായിരുന്നു.
ഇതുമായി ബന്ധപ്പെട്ടും അല്ലാതെയും സൗരാഷ്ട്ര മേഖലയിലും വടക്കൻ ഗുജറാത്തിലും നിരവധി പ്രതിഷേധങ്ങൾ നടന്നു, ജൂലൈയിൽ, നാടിന്റെ അടിസ്ഥാന സൗകര്യ പ്രശ്നങ്ങൾ കാരണം ബിജെപിയുടെ വൽസാദ് ജില്ലാ പഞ്ചായത്ത് അംഗങ്ങൾ റോഡിലെ കുഴികളിൽ ഇരുന്ന് സർക്കാരിനെതിരെ മുദ്രാവാക്യം വിളിച്ചു തങ്ങളുടം പ്രതിഷേധം അറിയിച്ചിരുന്നു. സർക്കാരിനെതിരെ വർദ്ധിച്ചുവരുന്ന ശക്തമായ അതൃപ്തി കാരണം ബിജെപി നേതൃത്വം പെട്ടന്ന് ജനങ്ങളുടെ പ്രതിഷേധം ചെറുതായെങ്കിലും ശമിപ്പിക്കാനുള്ള തയ്യാറെടുപ്പിലാണ്.
അടുത്ത വർഷം ഗുജറാത്തില് തദ്ദേശ സ്വയംഭരണ തെരഞ്ഞെടുപ്പ് നടക്കുകയാണ്.ഇതു ബിജെപി നേതൃത്വത്തെ വല്ലാതെ അലട്ടുന്നു. തദ്ദേശ സ്വയംഭരണ, നിയമസഭാ തിരഞ്ഞെടുപ്പുകൾക്ക് മുമ്പ്, സൗരാഷ്ട്രയിലും വടക്കൻ ഗുജറാത്തിലും നടന്ന ആഭ്യന്തര കലഹങ്ങൾ,അഴിമതി ആരോപണങ്ങൾ, പ്രതിഷേധങ്ങൾ എന്നിവ ബിജെപിയെ വലിയ ആശങ്കയിലാക്കിയിട്ടുണ്ട്.പുതിയ മുഖങ്ങളെ മന്ത്രിസഭയില് കൊണ്ടുവന്നത് ജനങ്ങൾക്കിടയിലുള്ള പ്രതിഷേധം കുറയ്ക്കുന്നതിനാണെന്ന് വിലയിരുത്തപ്പെടുന്നു.ബിജെപി പ്രവര്ത്തകരുടെ അതൃപ്തിയാണ് ഇന്ന് ഇവിടെ പാര്ട്ടിയെ കൂടുതല് ഭയാശങ്കയിലാഴ്ക്കിയിരിക്കുന്നത് , ജനങ്ങള്ക്കുള്ള പ്രതിഷേധത്തോടൊപ്പം സ്വന്തം പാര്ട്ടിയിലെ എംഎല്എമാരെയും തൃപ്തിപ്പെടുത്തുകയെന്ന വലിയൊരു ലക്ഷ്യവും ബിജെപിക്ക് മുന്നിലുണ്ട്.
കഴിഞ്ഞ വർഷത്തെ ലോക്സഭാ സ്ഥാനാർത്ഥി നിർണ്ണയത്തിനിടെ നടന്ന പ്രതിഷേധങ്ങളിൽ നിന്ന് ഇത് വ്യക്തമായിരുന്നു, ഇത് വഡോദരയിലും സബർകാന്തയിലും സ്ഥാനാർത്ഥികളെ മാറ്റാൻ ബിജെപിയെ നിർബന്ധിതരാക്കി, മന്ത്രിസഭ പുനഃസംഘടനയ്ക്ക് മറ്റൊരു കാരണം ആം ആദ്മി പാർട്ടി വിസാവദർ സീറ്റിൽ വിജയിച്ചതും കാരണമായിട്ടുണ്ട്. എഎപി ഇപ്പോൾ 40 മണ്ഡലങ്ങളിൽ ശക്തമായി പ്രചാരണം നടത്തുകയാണ്. ബൊട്ടാദ് ജില്ലയിൽ അടുത്തിടെ നടന്ന കർഷക പ്രതിഷേധം, തദ്ദേശ സ്വയംഭരണ സ്ഥാപനങ്ങളിലെ തിരഞ്ഞെടുപ്പുകൾക്ക് മുന്നോടിയായി കൂടുതൽ പ്രാദേശിക സന്തുലിതാവസ്ഥയുടെ ആവശ്യകതയെക്കുറിച്ച് സർക്കാരിനെ ആശങ്കപ്പെടുത്തുന്നു.
അടുത്തു നടക്കുന്ന തദ്ദേശ സ്വയംഭരണ തെരഞ്ഞെടുപ്പില് തങ്ങള്ക്ക് കൂടുതല് സീറ്റുകള് നേടിയേ മതിയാകൂ. കലാവധി തീരുന്നതിനു മുമ്പ് ബിജെപി മേയര്മാരെ മാറ്റി പരീക്ഷണം നടത്തിയത്.അടുത്തു വരുന്ന തദ്ദേശ സ്വയംഭരണ സ്ഥാപന തിരഞ്ഞെടുപ്പുകളിൽ എഎപിയും, കോൺഗ്രസും ശക്തമായ വെല്ലുവിളി തങ്ങള്ക്ക് ഉയർത്തുന്ന കാര്യം ബിജെപി നേതൃത്വത്തിന് ബോധ്യമായി. മിക്ക സംസ്ഥാനങ്ങളിലും ബിജെപി അധികാരത്തിൽ തുടരുന്നതിന്റെ ഭാഗമായി മന്ത്രിമാരെയും മുഖ്യമന്ത്രിയെയും കൗൺസിലർമാരെയും മാറ്റി ഭരണവിരുദ്ധ വികാരം മറികടക്കുക എന്ന തന്ത്രമാണ് ഗുജറാത്തിലും സ്വീകരിച്ചിരിക്കുന്നത്.
ഗുജറാത്തിൽ, പാർട്ടി മൂന്ന് പതിറ്റാണ്ടുകളായി സംസ്ഥാനത്ത് അധികാരത്തിലിരിക്കുന്നതിനാൽ അവർ ഈ രീതി കൂടുതൽ ശക്തമായി ഉപയോഗിച്ചു. 2026 ജനുവരി-ഫെബ്രുവരി മാസങ്ങളിൽ ഗുജറാത്തിലെ 15 മുനിസിപ്പൽ കോർപ്പറേഷനുകളിലും, 81 മുനിസിപ്പാലിറ്റികളിലും, 31 ജില്ലാ പഞ്ചായത്തുകളിലും, 231 താലൂക്ക് പഞ്ചായത്തുകളിലുമായി തദ്ദേശ സ്വയംഭരണ സ്ഥാപനങ്ങളിലേക്ക് തിരഞ്ഞെടുപ്പ് നടക്കാനിരിക്കുകയാണ് . അതിനാലാണ് മാറ്റങ്ങള് നടത്തിയത്.1987ലെ അഹമ്മദാബാദ് മുനിസിപ്പൽ തിരഞ്ഞെടുപ്പിലാണ് ഗുജറാത്തിൽ ബിജെപിയുടെ പരീക്ഷണം ആരംഭിച്ചത്, പ്രധാനമന്ത്രി നരേന്ദ്ര മോഡിയുടേയും തെരഞ്ഞെടുപ്പ് മേൽനോട്ടം വഹിച്ച അമിത് ഷായുടെയും രാഷ്ട്രീയ ജീവിതത്തിൽ അഹമ്മദാബാദ് തിരഞ്ഞെടുപ്പ് നിർണായക പങ്ക് വഹിച്ചു. അതിനുശേഷം, ഭരണവിരുദ്ധ വികാരം തടയുന്നതിനായി, തദ്ദേശ സ്വയംഭരണ സ്ഥാപനങ്ങളിലേക്ക് തെരഞ്ഞെടുപ്പിന് മുമ്പ് കൗൺസിലർമാരെ മാറ്റുന്നത് ഉൾപ്പെടെ, എല്ലാ തന്ത്രങ്ങളും അവർ ഉപയോഗിച്ചു.
2021 ൽ, ഗുജറാത്ത് നിയമസഭാ തെരഞ്ഞെടുപ്പിന് മുമ്പ്, ബിജെപി അന്തരിച്ച വിജയ് രൂപാണിയെയും അദ്ദേഹത്തിന്റെ മുഴുവൻ മന്ത്രിസഭയെയും പുറത്താക്കുകയും ഭൂപേന്ദ്ര പട്ടേലിന് മുഖ്യമന്ത്രി സ്ഥാനം നൽകുകയും ചെയ്തു. 2001‑ലെ ഭുജ് ഭൂകമ്പത്തെത്തുടർന്ന് മുൻ മുഖ്യമന്ത്രി കേശുഭായ് പട്ടേലിന് കസേര നഷ്ടപ്പെട്ടു, സർക്കാരിന്റെ പുനരധിവാസ പ്രവർത്തനങ്ങളിൽ വലിയ പ്രതിഷേധം ഉയർന്നു, തുടർന്നുള്ള തിരഞ്ഞെടുപ്പുകളിൽ അത് പരാജയത്തിന് കാരണമായി. 2001‑ൽ, ഗാന്ധിനഗർ ലോക്സഭാ മണ്ഡലത്തിൽ ഉൾപ്പെട്ട സബർമതിയിൽ നടന്ന നിയമസഭാ ഉപതിരഞ്ഞെടുപ്പിൽ ബിജെപി പരാജയപ്പെട്ടു. 25 ജില്ലാ പഞ്ചായത്തുകളിൽ 23 എണ്ണവും താലൂക്ക് പഞ്ചായത്തുകളിൽ ഭൂരിഭാഗവും ബിജെപിക്ക് നഷ്ടപ്പെട്ടു. അതേ വർഷം, 13 വർഷമായി ഭരിച്ചിരുന്ന അഹമ്മദാബാദ്, രാജ്കോട്ട് എന്നീ രണ്ട് നിർണായക മുനിസിപ്പൽ കോർപ്പറേഷനുകളും അവർക്ക് നഷ്ടപ്പെട്ടു. കേശുഭായ് പട്ടേലിനെ മാറ്റി നരേന്ദ്ര മോഡിയെ നിയമിച്ചു,
2014‑ൽ മോഡി പ്രധാനമന്ത്രിയായപ്പോൾ ഗുജറാത്ത് ആനന്ദിബെൻ പട്ടേലിന് കൈമാറി. എന്നാൽ പാട്ടിദാർ പ്രക്ഷോഭം ആനന്ദിബെൻ കൈകാര്യം ചെയ്തത് സമുദായത്തെ അകറ്റിനിർത്തി, 2015‑ൽ ആറ് മുനിസിപ്പൽ കോർപ്പറേഷനുകൾ കൈവശം വച്ചിരുന്നെങ്കിലും ബിജെപിക്ക് ഗ്രാമീണ തിരഞ്ഞെടുപ്പുകളിൽ പരാജയം നേരിട്ടു. 31 ജില്ലാ പഞ്ചായത്തുകളിൽ 22 എണ്ണവും കോൺഗ്രസ് നേടി, 2010 ൽ ഒരെണ്ണം മാത്രം നേടിയിരുന്നെങ്കിൽ അത് വലിയൊരു നേട്ടമാണ്. നിയമസഭാ തിരഞ്ഞെടുപ്പിന് ഒരു വർഷം മുമ്പ് സംസ്ഥാനത്തെ 241 ബ്ലോക്ക് ലെവൽ പഞ്ചായത്തുകളിൽ 50 ശതമാനവും കോൺഗ്രസ് നേടി. ആനന്ദിബെന്നിന് പകരം വിജയ് രൂപാണിയെ ബിജെപി നിയമിച്ചു, അദ്ദേഹത്തിന് അതേ വിധി നേരിടേണ്ടി വന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.