ശുചിമുറിയിലെ ബക്കറ്റിലെ വെള്ളത്തില് വീണു പിഞ്ചു കുഞ്ഞിന് ദാരുണാന്ത്യം. മഞ്ചേശ്വരം, കടമ്പാറിലെ ഹാരിസിന്റെ ഒരു വയസ്സും രണ്ടു മാസവും പ്രായമുള്ള മകള് ഫാത്തിമയാണ് മരിച്ചത്. ഫാത്തിമ വീട്ടിലെ മറ്റു കുട്ടികള്ക്കൊപ്പം അയല്വീട്ടിലേയ്ക്ക് കളിക്കാന് പോയതായിരുന്നു. പിന്നീട് തനിച്ച് വീട്ടില് തിരിച്ചെത്തി. വീട്ടുകാര് നല്കിയ നാരങ്ങാ വെള്ളം കുടിച്ച ശേഷം വീട്ടിനകത്തേയ്ക്ക് പോവുകയായിരുന്നു.
വീട്ടുകാര് വരാന്തയില് ഇരുന്ന് സംസാരിക്കുന്നതിനിടയില് വീട്ടിനു അകത്തേയ്ക്കു ഫാത്തിമ പോയി. അല്പ്പസമയം കഴിഞ്ഞു ശുചിമുറിയിലേയ്ക്ക് പോയ വീട്ടുകാരാണ് കുഞ്ഞിനെ ബക്കറ്റിലെ വെള്ളത്തില് മുങ്ങിയ നിലയില് കണ്ടത്. ഉടന് തന്നെ ആശുപത്രിയിലെത്തിച്ചുവെങ്കിലും രക്ഷിക്കാന് കഴിഞ്ഞില്ല. സംഭവത്തില് മഞ്ചേശ്വരം പൊലീസ് അസ്വാഭാവിക മരണത്തിനു കേസെടുത്തു.
മാതാവ്: ഖൈറുന്നീസ. സഹോദരങ്ങള്: ഷാഹിന, ഷംന, ഹാരിഫ, അഹമ്മദ് കബീര്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.