ദേശീയ ഗുസ്തി ഫെഡറേഷന്റെ ദൈനംദിന പ്രവര്‍ത്തനങ്ങള്‍ക്കായി താല്കാലിക സമിതി രൂപീകരിച്ചു. കായികതാരങ്ങളുടെ പ്രതിഷേധത്തെ തുടര്‍ന്ന് പുതിയ സമിതി റദ്ദാക്കിയതിന് പിന്നാലെയാണ് ഇന്ത്യന്‍ ഒളിമ്പിക് അസോസിയേഷന്‍ പുതിയ സമിതിക്ക് രൂപം നല്‍കിയത്.
ഭുപീന്ദര്‍ സിങ് ബജ്‌വയാണ് സമിതിയുടെ തലവന്‍. എം എം സൗമ്യ, മ‌ഞ്ജുഷ കന്‍വാര്‍ എന്നിവരാണ് മറ്റംഗങ്ങള്‍. ന്യായം, സുതാര്യത, ഉത്തരവാദിത്തം എന്നിവ ഉറപ്പാക്കാനായാണ് പുതിയ സമിതി രൂപീകരിച്ചിരിക്കുന്നതെന്ന് ഒളിമ്പിക് അസോസിയേഷന്‍ അറിയിച്ചു.
ഡബ്ല്യുഎഫ്ഐയുടെ പുതിയ പ്രസിഡന്റും മറ്റ് അംഗങ്ങളും സ്വന്തം ഭരണഘടനാ തത്വങ്ങള്‍ക്ക് വിരുദ്ധവും സത്‌ഭരണതത്വങ്ങള്‍ക്ക് വിരുദ്ധമായി ഏകപക്ഷീയ തീരുമാനങ്ങളെടുക്കുകയും ചെയ്തുവെന്ന് ഒളിമ്പിക്സ് അസോസിയേഷന്‍ അടുത്തിടെയാണ് മനസിലാക്കിയതെന്നും ഐഒസി മേധാവി പി ടി ഉഷയുടെ കത്തില്‍ പറയുന്നു. ലൈംഗികാതിക്രമ കേസിനെ തുടര്‍ന്ന് പുറത്താക്കപ്പെട്ട മുന്‍ പ്രസിഡന്റ് ബ്രിജ് ഭൂഷണ്‍ ശരണ്‍ സിങിന്റെ അനുയായിയായ സഞ്ജയ് സിങ്ങിനെ പ്രസിഡന്റായി നിയമിച്ചതിനെതിരെ വ്യാപകപ്രതിഷേധം ഉയര്‍ന്നിരുന്നു. ഇതേ തുടര്‍ന്നാണ് സമിതിയെ സസ്പെന്‍ഡ് ചെയ്തത്.
English Summary: A provisional committee has been formed for the wrestling federation
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.