കേരള പത്രപ്രവര്‍ത്തക യൂണിയന്‍ സംസ്ഥാന കമ്മിറ്റി (കെ.യു.ഡബ്ല്യു.ജെ) സംഘടിപ്പിച്ച ഒന്നാമത് ഓള്‍ കേരള ജേര്‍ണലിസ്റ്റ് ക്രിക്കറ്റ് ലീഗ് ‑2022 (ജെ.സി.എല്‍ 2022)ല്‍ തിരുവനന്തപുരം സ്‌ട്രൈക്കേഴ്‌സ് ചാമ്പ്യന്‍മാരായി. കണ്ണൂര്‍ പ്രസ് ക്ലബ്ബാണ് റണ്ണേഴ്സ് അപ്പ്. കേരള ക്രിക്കറ്റ് അസോസിയേഷന്റെ തെക്കുംഭാഗം അന്താരാഷ്ട്ര ക്രിക്കറ്റ് സ്റ്റേഡിയത്തില്‍ നടത്തിയ ക്രിക്കറ്റ് ലീഗില്‍ കെയുഡബ്ല്യുജെയുടെ കീഴിലുള്ള 14 പ്രസ്സ് ക്ലബുകളില്‍ നിന്നുള്ള 16 ടീമുകളാണുണ്ടായിരുന്നത്. രണ്ട് ദിവസങ്ങളിലായി നടത്തിയ 27 മത്സരങ്ങളില്‍ കേരളത്തിലെ വിവിധ ജില്ലകളില്‍ നിന്നായി മുന്നൂറോളം മാധ്യമ പ്രവര്‍ത്തകര്‍ പങ്കെടുത്തു.
വൈകിട്ട് നടന്ന സമാപന സമ്മേളനത്തില്‍ ചാമ്പ്യന്‍മാരായ തിരുവനന്തപുരം സ്‌ട്രൈക്കേഴ്‌സിന് ഒരു ലക്ഷം രൂപയും അല്‍-അസ്ഹര്‍ ഗ്രൂപ്പ് സ്പോണ്‍സര്‍ ചെയ്യുന്ന അല്‍-അസ്ഹര്‍ കപ്പും അല്‍ അസ്ഹര്‍ ഗ്രൂപ്പ് എം.ഡി അഡ്വ. കെ എം മിജാസ് കൈമാറി. റണ്ണേഴ്സ് അപ്പായ കണ്ണൂര്‍ പ്രസ് ക്ലബ്ബ് ടീമിന് അന്‍പതിനായിരം രൂപയും ട്രോഫിയും ഇടുക്കി ഡി.സി.സി പ്രസിഡന്റ് സി പി മാത്യു കൈമാറി.
English Summary: All Kerala Journalist Cricket League: Thiruvananthapuram Strikers became champions
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.