കര്ണാടകയില് പൊതുമധ്യത്തില് വനിതാ അഭിഭാഷകയ്ക്ക് ബിജെപി പ്രവര്ത്തകന്റെ ക്രൂര മര്ദ്ദനം. ബിജെപി പ്രവര്ത്തകന് മഹന്തേഷാണ് ബാഗല്കോട്ടിലെ അഭിഭാഷകയായ സംഗീതയെ നടുറോഡില് ക്രൂരമായി മര്ദ്ദിച്ചത്.
നാട്ടുകാര് നോക്കിനില്ക്കെയാണ് ആക്രമണമുണ്ടായത്. ഭര്ത്താവിനൊപ്പം പോകുകയായിരുന്ന സംഗീതയെ പ്രകോപനമില്ലാതെ ബാഗല്കോട്ട് ടൗണില് തടഞ്ഞു നിര്ത്തിയാണ് മര്ദ്ദിച്ചത്. അഭിഭാഷകയെ ക്രൂരമായി മര്ദ്ദിക്കുകയും അടിവയറ്റില് ചവിട്ടുകയും ചെയ്തു. ചവിട്ടേറ്റ് തെറിച്ച് വീണ് തലയ്ക്കും മുറിവേറ്റു. ഭര്ത്താവ് കേണപേക്ഷിച്ചിട്ടും നാട്ടുകാര് ആരും ഇടപെട്ടില്ല. എല്ലാവരും മൊബൈലില് ദൃശ്യങ്ങള് പകര്ത്തുന്ന തിരക്കിലായിരുന്നു. ഭര്ത്താവ്, മഹന്തേഷിനെ തടയാന് ശ്രമിക്കുന്നതും നാട്ടുകാര് വീഡിയോ പകര്ത്തുന്നതും ദൃശ്യങ്ങളില് വ്യക്തമാണ്.
ബിജെപി ജനറല് സെക്രട്ടറി രാജു നായ്ക്കരുമായുള്ള വസ്തു തര്ക്കമാണ് അക്രമത്തിന് കാരണമെന്ന് സംഗീത പറഞ്ഞു. രാജു നായ്ക്കരുടെ അനുയായിയാണ് മഹന്തേഷ്. സംഗീത താമസിച്ചിരുന്ന കുടുംബവീട് അമ്മാവന് രാജു നായ്ക്കര്ക്ക് ചെറിയ തുകയ്ക്ക് വിറ്റിരുന്നു. മറ്റ് കുടുംബാംഗങ്ങളെയും അറിയിക്കാതെയാണ് അമ്മാവന് വില്പന നടത്തിയത്. പിന്നാലെ സംഗീതയോടും കുടുംബക്കാരോടും വീട്ടില് നിന്ന് ഇറങ്ങിപോകണമെന്ന് രാജു നായ്ക്കര് ആവശ്യപ്പെട്ടു. ഇതിനെതിരെ സംഗീത കഴിഞ്ഞ ദിവസം കോടതിയെ സമീപിച്ചതിന് പിന്നാലെയാണ് മര്ദ്ദനം.
English Summary: BJP leader beats up woman lawyer in Nadu road
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.