October 2, 2022 Sunday

Related news

September 25, 2022
September 16, 2022
September 10, 2022
September 5, 2022
September 4, 2022
August 30, 2022
August 23, 2022
August 20, 2022
August 16, 2022
August 15, 2022

എഎഫ്‌സി ഏഷ്യന്‍ കപ്പ് ചൈന പിന്മാറി

Janayugom Webdesk
ബെയ്ജിങ്
May 14, 2022 10:11 pm

അടുത്തവര്‍ഷത്തെ എഎഫ്‌സി ഏഷ്യന്‍ കപ്പ് ഫുട്ബോള്‍ ചാമ്പ്യന്‍ഷിപ്പിന് വേദിയൊരുക്കുന്നതില്‍ നിന്നും ചൈന പിന്മാറി. കോവിഡ് സാഹചര്യം ചൂണ്ടിക്കാട്ടിയാണ് പിന്മാറ്റം.
24 ഏഷ്യന്‍ രാജ്യങ്ങള്‍ പങ്കെടുക്കുന്ന ടൂര്‍ണമെന്റ് പത്ത് ചൈനീസ് നഗരങ്ങളിലായി സംഘടിപ്പിക്കാനായിരുന്നു ആസൂത്രണം ചെയ്തിരുന്നത്. ഖത്തറാണ് നിലവിലെ ചാമ്പ്യന്മാര്‍. കംബോഡിയ, അഫ്ഗാനിസ്ഥാന്‍, ഹോങ്കോങ് എന്നീ രാജ്യങ്ങള്‍ക്കൊപ്പം ഗ്രൂപ്പ് ഡിയിലുള്ള ഇന്ത്യ ഇതുവരെ ഫൈനല്‍ റൗണ്ടിലേക്ക് യോഗ്യത പൂര്‍ത്തിയാക്കിയിട്ടില്ല.
പൊതുതാല്പര്യം പരിഗണിച്ച് ഈ തീരുമാനമെടുത്ത ചൈനീസ് ഫുട്ബോള്‍ അസോസിയേഷനെ ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ അഭിനന്ദിച്ചു. കോവിഡ് കാരണം ചൈന പിന്മാറുന്ന പ്രമുഖ ചാമ്പ്യന്‍ഷിപ്പുകളില്‍ അവസാനത്തേതാണ് ഏഷ്യന്‍ കപ്പ്. സെപ്റ്റംബറില്‍ ഹാംഗ്ഷുവില്‍ നടക്കേണ്ട ഏഷ്യന്‍ ഗെയിംസ് ചൈന നീട്ടിവച്ചിരുന്നു. അടുത്ത വര്‍ഷം ജൂണിലും ജൂലൈയിലുമായി നടക്കേണ്ട ഏഷ്യന്‍ കപ്പിനായി നിരവധി പുതിയ സ്റ്റേഡിയങ്ങള്‍ ചൈന പണിതിരുന്നു.
ചൈന പിന്മാറിയതോടെ ഖത്തറിലോ സൗദി അറേബ്യയിലോ ടൂര്‍ണമെന്റ് നടക്കുമെന്നാണ് സൂചന. 2027 ലെ ഏഷ്യന്‍ കപ്പിനായി ശ്രമിക്കുന്ന രാജ്യങ്ങളാണ് ഖത്തറും സൗദിയും. 2027 ലെ ടൂര്‍ണമെന്റിനായി ഇന്ത്യ, ഇറാന്‍ രാജ്യങ്ങളും രംഗത്തുണ്ട്. അടുത്ത വര്‍ഷമാദ്യമാണ് 2027 ലെ വേദി നിശ്ചയിക്കുക. ഈ വര്‍ഷം നവംബറിലും ഡിസംബറിലുമായി ലോകകപ്പിന് വേദിയൊരുക്കുന്ന ഖത്തറിന് എല്ലാ അടിസ്ഥാന സൗകര്യങ്ങളുമുണ്ട്. എന്നാല്‍ ജൂണില്‍ ഖത്തറില്‍ കൊടുംചൂടായിരിക്കും. ഖത്തറാണ് വേദിയെങ്കില്‍ ടൂര്‍ണമെന്റ് 2024 ആദ്യത്തിലേക്ക് മാറ്റിയേക്കും.

Eng­lish Sum­ma­ry: Chi­na with­draws from AFC Asian Cup

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.