സിന്സിനാറ്റി ഓപ്പണ് ടെന്നീസ് വനിതാ സിംഗിള്സ് ഫൈനല് ഇന്ന്. ഇറ്റലിയുടെ ജാസ്മിന് പവോലിനിയും പോളണ്ടിന്റെ ഇഗ സ്വിയാടെക്കും കലാശപ്പോരില് ഏറ്റുമുട്ടും. ഇന്നലെ നടന്ന രണ്ടാം സെമിയില് റഷ്യയുടെ വെറോണിക്ക കുഡെർമെറ്റോവയെ മൂന്ന് സെറ്റ് നീണ്ട പോരാട്ടത്തിലാണ് പവോലിനി തോല്പിച്ചത്. ആദ്യ സെറ്റ് 6–3ന് നേടിയപ്പോള് രണ്ടാം സെറ്റ് 6–7ന് പവോലിനിക്ക് നഷ്ടമായി. എന്നാല് മൂന്നാം സെറ്റില് തിരിച്ചുവരവ് നടത്തിയ ഇറ്റാലിയന് താരം 6–3ന് മൂന്നാം സെറ്റ് സ്വന്തമാക്കി ഫൈനല് ടിക്കറ്റ് നേടി. നേരത്തെ നടന്ന ആദ്യ സെമിയില് കസാക്കിസ്ഥാന്റെ എലീന റൈബാക്കിനയെ നേരിട്ടുള്ള സെറ്റുകള്ക്ക് മറികടന്നാണ് ഇഗ ഫൈനല് ടിക്കറ്റുറപ്പിച്ചത്. സ്കോര് 7–5, 6–3. ഇഗയുടെ ആദ്യ സിന്സിനാറ്റി ഓപ്പണ് ഫൈനലാണിത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.