അനധികൃത സായുധ സേനകള്‍ തമ്മിലുളള ഏറ്റുമുട്ടലില്‍ കൊളംബിയയിലെ അറോക്ക പ്രവിശ്യയില്‍23 പേര്‍ കൊല്ലപ്പെട്ടു. മയക്ക് മരുന്ന് കടത്ത് പോലുളള നിയമവിരുദ്ധ സമ്പദ്‌വ്യവസ്ഥയുടെ നിയന്ത്രണത്തിനായുളള പോരാട്ടമാണിതെന്ന് കൊളംബിയന്‍ സൈന്യം വ്യക്തമാക്കി.
2016 ലെ സമാധാന കരാര്‍ നിരസിച്ച കൊളംബിയയിലെ വിപ്ലവ സായുധ സേനയുടെ വിമതരുമായി നാഷണല്‍ ലിബറേഷൻ ആര്‍മി ഏറ്റുമുട്ടിയതോടെ വെനസ്വേലയുടെ അതിര്‍ത്തിയില്‍ സ്ഥിതി ചെയ്യുന്ന അറൗക്കയില്‍ പോരാട്ടം പൊട്ടിപുറപ്പെടുകയായിരുന്നുവെന്ന് പ്രതിരോധ മന്ത്രി ഡീഗോ മൊളാനോ അറിയിച്ചു.
അറോക്കയിലെ സ്ഥിതിഗതികള്‍ വിലയികുത്തി പരിഹരിക്കാനുളള നടപടികള്‍ സ്വീകരിക്കുന്നതിനു വേണ്ടി കൊളംബിയൻ പ്രസിഡന്റ് ഇവാൻ ഡ്യൂക്ക് സൈനിക പൊലീസ് നേതാക്കളുടെ യോഗം വിളിച്ചു. എന്നാല്‍ അയല്‍രാജ്യമായ വെനസ്വേല വിപ്ലവ സായുധ സേന, നാഷണല്‍ ലിബറേഷൻ ആര്‍മി തുടങ്ങിയ അനധികൃത സംഘടനകള്‍ക്ക് അഭയവും സഹായവും നല്കുന്നുവെന്നും ഡ്യൂക്ക് ആരോപിച്ചിരുന്നു.
ENGLISH SUMMARY:Clashes in Colombia: 23 killed
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.