തൊഴിലാളികളുടെ മൊബൈൽ ഫോണുകളും പണവും മോഷ്ടിച്ചു കടന്ന് കളഞ്ഞ സഹ പ്രവർത്തകനായ നിർമ്മാണ തൊഴിലാളി പിടിയിൽ. ചക്കുവരയ്ക്കൽ കൊക്കാട് വിളയിൽ വീട്ടിൽ ഷിബു (40) വാണ് പിടിയിലായത്. കെട്ടിട നിർമ്മാണ കോൺട്രാക്ടറായ രാജുവിന്റെ തൊഴിലാളിയാണ് ഇയാൾ. അന്യസംസ്ഥാന തൊഴിലാളികൾ ഉൾപ്പെടെയുള്ള മറ്റ് തൊഴിലാളികൾക്കൊപ്പം മാസങ്ങളായി ഇയാൾ കിഴക്കുംഭാഗത്ത് താമസിച്ചു വരികയായിരുന്നു. കഴിഞ്ഞ ദിവസം രാത്രി സഹതൊഴിലാളികളുടെ പത്തോളം മൊബൈൽ ഫോണുകളും പതിനായിരത്തോളം രൂപയും മോഷ്ടിച്ച് കടന്നു കളയുകയായിരുന്നു.
ശനിയാഴ്ച രാവിലെ പാങ്ങലുകാട് വച്ച് രാജുവും സംഘവും ചേർന്ന് ഇയാളെ പിടികൂടി ചിതറ പൊലീസിന് കൈമാറി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.