2024ലെ പൊതുതെരഞ്ഞെടുപ്പിൽ ഫാസിസ്റ്റ് വലതുപക്ഷ ശക്തികളെ പരാജയപ്പെടുത്തി രാജ്യത്തെയും ഭരണഘടനയെയും രക്ഷിക്കാൻ എല്ലാ ശ്രമങ്ങളും നടത്തണമെന്ന് സിപിഐ ജനറല്‍ സെക്രട്ടറി ഡി രാജ ആഹ്വാനം ചെയ്തു. അജോയ് ഭവനിൽ പാർട്ടി പതാക ഉയർത്തിയ ശേഷം സിപിഐ സ്ഥാപകദിനാഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സ്വാതന്ത്ര്യസമരത്തിൽ നിന്ന് അകന്നുനിന്നവരാണ് ഇന്ന് രാജ്യം ഭരിക്കുന്നത്. അവർ നമ്മുടെ ജനാധിപത്യ സംവിധാനത്തെ അട്ടിമറിച്ച് ഭരണഘടന മാറ്റാൻ ശ്രമിക്കുന്നു. ഹിന്ദു രാഷ്ട്രമാണ് അവരുടെ ലക്ഷ്യം. ഫാസിസ്റ്റ് വലത് ഇന്ത്യക്കു വേണ്ടിയുള്ള ആർഎസ്എസ്-ബിജെപി പദ്ധതി നടപ്പാക്കാൻ അനുവദിക്കരുതെന്ന് ഡി രാജ ജനങ്ങളോട് അഭ്യർത്ഥിച്ചു.
സിപിഐ ഡൽഹി ഘടകത്തിന്റെ നേതൃത്വത്തില്‍ നടന്ന പരിപാടിയില്‍ സംസ്ഥാന സെക്രട്ടറി പ്രൊഫ. ദിനേശ് ചന്ദ്ര വർഷ്ണെ പാർട്ടി പതാക ഉയർത്തി. പാർട്ടി ദേശീയ കൗൺസിൽ അംഗം ശങ്കർലാൽ, എഐടിയുസി ഡൽഹി സംസ്ഥാന ഡെപ്യൂട്ടി ജനറൽ സെക്രട്ടറി മുകേഷ് കശ്യപ്, സുപ്രീം കോടതിയിലെ മുതിർന്ന അഭിഭാഷകൻ റിതു പുരി, മഹിളാ ഫെഡറേഷന്‍ നേതാവ് അബ്സർ അഹമ്മദ്, രാംരാജ്, കേഹാർ സിങ് തുടങ്ങിയവരും പങ്കെടുത്തു.
English Summary:Country must be saved from fascist forces in 2024 elections: D Raja
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.