കോവിഡ് കേസുകള്‍ പതിനായിരത്തില്‍ താഴെ: പുതുതായി ആശുപത്രിയിൽ പ്രവേശിപ്പിച്ചത് 845 പേരെ മാത്രം

സംസ്ഥാനത്ത് ഇന്ന് 8989 പേർക്ക് കോവിഡ്-19 സ്ഥിരീകരിച്ചു. രോഗം സ്ഥിരീകരിച്ച് ചികിത്സയിലായിരുന്ന 24,757 പേർ രോഗമുക്തി നേടി. കഴിഞ്ഞ 24 മണിക്കൂറിനിടെ 58,090 സാമ്പിളുകളാണ് പരിശോധിച്ചത്. സംസ്ഥാനത്തെ വിവിധ ജില്ലകളിലായി 2,84,183 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,78,244 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 5939 പേർ ആശുപത്രികളിലും നിരീക്ഷണത്തിലാണ്. 845 പേരെയാണ് പുതുതായി ആശുപത്രിയിൽ പ്രവേശിപ്പിച്ചത്.

നിലവിൽ 1,44,384 കോവിഡ് കേസുകളിൽ, 4.3 ശതമാനം വ്യക്തികൾ മാത്രമാണ് ആശുപത്രി/ഫീൽഡ് ആശുപത്രികളിൽ പ്രവേശിപ്പിക്കപ്പെട്ടിട്ടുള്ളത്.

കഴിഞ്ഞ 24 മണിക്കൂറിനിടെ 25 മരണങ്ങളാണ് കോവിഡ്-19 മൂലമാണെന്ന് സ്ഥിരീകരിച്ചത്. ഇതുകൂടാതെ മുൻ ദിവസങ്ങളിൽ മരണപ്പെടുകയും എന്നാൽ രേഖകൾ വൈകി ലഭിച്ചത് കൊണ്ടുള്ള 92 മരണങ്ങളും സുപ്രീം കോടതി വിധിപ്രകാരം കേന്ദ്രസർക്കാരിന്റെ പുതിയ മാർഗനിർദേശമനുസരിച്ച് അപ്പീൽ നൽകിയ 61 മരണങ്ങളും റിപ്പോർട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 62,377 ആയി.

ഇന്ന് രോഗം സ്ഥിരീകരിച്ചവരിൽ 30 പേർ സംസ്ഥാനത്തിന് പുറത്ത് നിന്നും വന്നവരാണ്. 8281 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 603 പേരുടെ സമ്പർക്ക ഉറവിടം വ്യക്തമല്ല. 75 ആരോഗ്യ പ്രവർത്തകർക്കാണ് രോഗം ബാധിച്ചത്.

രോഗ ബാധ- ജില്ല തിരിച്ച്

എറണാകുളം 1608,തിരുവനന്തപുരം 1240, കൊല്ലം 879,കോഴിക്കോട് 828,കോട്ടയം 743,തൃശൂർ 625,കണ്ണൂർ 562,ആലപ്പുഴ 558,മലപ്പുറം 443,ഇടുക്കി 412,പാലക്കാട് 386,പത്തനംതിട്ട 330, വയനാട് 205,കാസർഗോഡ് 170 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

രോഗ മുക്തി- ജില്ല തിരിച്ച്

തിരുവനന്തപുരം 4565,കൊല്ലം 1466,പത്തനംതിട്ട 585,ആലപ്പുഴ 1650, കോട്ടയം 2694,ഇടുക്കി 1436,എറണാകുളം 3056,തൃശൂർ 2604,പാലക്കാട് 1213,മലപ്പുറം 1586,കോഴിക്കോട് 1591,വയനാട് 807,കണ്ണൂർ 1031,കാസർഗോഡ് 473 എന്നിങ്ങനേയാണ് രോഗമുക്തിയായത്. ഇതോടെ 1,44,384 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 62,08,837 പേർ ഇതുവരെ കോവിഡിൽ നിന്നും മുക്തി നേടി.

Eng­lish Sum­ma­ry: Covid cas­es less than 10,000: Only 845 new­ly admit­ted to hospital

You may like this video also