മധ്യപ്രദേശിലെ ബോട്ട് അപകടത്തിൽ മരിച്ചവരുടെ എണ്ണം മൂന്നായി

മധ്യപ്രദേശിലെ രേവ ജില്ലയിലെ തമസ് നദിയിൽ ബോട്ട് മറിഞ്ഞുണ്ടായ അപകടത്തിൽ മരിച്ചവരുടെ എണ്ണം മൂന്നായി. രണ്ട് മൃതദേഹങ്ങൾ കൂടി ഇന്ന് കണ്ടെടുത്തതായി അധിക‍ൃതർ പറഞ്ഞു.

ബുധനാഴ്ച ഉച്ചയോടെയായിരുന്നു സംഭവം. അപകടത്തിൽപ്പെട്ട ബോട്ടിൽ ആറുപേരാണ് ഉണ്ടായിരുന്നത്. മൂന്ന് പേർ നീന്തി രക്ഷപ്പെട്ടു. മറ്റ് മൂന്ന് പേരെയാണ് കാണാതായത്.

അപകടസമയത്ത് ബോട്ട് തുഴയുകയായിരുന്ന സത്യം കേവാത്ത് (19) , പവൻ കേവാത്ത് (20), രാംശങ്കർ കേവാത്ത് (18) എന്നിവരാണ് മരിച്ചത്. മരിച്ചവരുടെ കുടുംബത്തിന് നാല് ലക്ഷം രൂപ വീതം ധനസഹായം നല്‍കുമെന്ന് ജില്ലാ കളക്ടര്‍ പ്രഖ്യാപിച്ചു.

Eng­lish summary;Death Count Ris­es To 3 In Mad­hya Pradesh Boat Tragedy

You may also like this video;