സംസ്ഥാന പൗൾട്രി വികസന കോർപ്പറേഷൻ ആവിഷ്കരിച്ച് നടപ്പിലാക്കി വരുന്ന നൂതന പദ്ധതികളിലൂടെ സംസ്ഥാനത്ത് മുട്ട ഉത്പാദനത്തിലും ഇറച്ചിക്കോഴികളുടെ ആഭ്യന്തര ഉത്പാദനത്തിലും നിർണ്ണായകമായ വളർച്ച കൈവരിക്കുവാൻ സാധിച്ചിട്ടുണ്ടെന്ന് മന്ത്രി ജെ ചിഞ്ചു റാണി.
കേരള സംസ്ഥാന പൗൾട്രി വികസന കോർപ്പറേഷൻ ലിമിറ്റഡ്(കെപ്കോ) നടപ്പിലാക്കുന്ന കോഴിവളർത്തൽ പദ്ധതിയുടെ ജില്ലാതല ഉദ്ഘാടനം നിർവഹിച്ചു കൊണ്ട് സംസാരിക്കുകയായിരുന്നു മന്ത്രി. 100 കോഴികളെ വളർത്താവുന്ന കൂടും കോഴിയും പദ്ധതിയുടെ വിതരണ ഉദ്ഘാടനവും ചടയമംഗലം ബ്ലോക്ക് പഞ്ചായത്ത് ഹാളിൽ നടന്നു. ബ്ലോക്ക് പഞ്ചായത്ത് പ്രസിഡന്റ് ലതിക വിദ്യാധരൻ യോഗത്തിന് അധ്യക്ഷത വഹിച്ചു. കെപ്കോ ചെയർമാൻ പി കെ മൂർത്തി മുഖ്യാതിഥിയായിരുന്നു. കെപ്കോ മാനേജിങ് ഡയറക്ടർ പി സെൽവകുമാർ റിപ്പോർട്ട് അവതരിപ്പിച്ചു. ജില്ലാ പഞ്ചായത്ത് പ്രസിഡന്റ് സാം കെ ഡാനിയൽ, ബ്ലോക്ക് പഞ്ചായത്ത് വൈസ് പ്രസിഡന്റ് ഹരി വി നായർ, ബ്ലോക്ക് മെമ്പർമാരായ കെ ഉഷ, കരിങ്ങന്നൂർ സുഷമ, എന്നിവർ പങ്കെടുത്തു. ബ്ലോക്ക് സെക്രട്ടറി വിമൻ ചന്ദ്രൻ നന്ദി പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.