എറണാകുളം പറവൂരില് ഭക്ഷ്യവിഷബാധയേറ്റ് 68 പേര് ആശുപത്രിയില് ചികിത്സ തേടിയ സംഭവത്തില് ഭക്ഷണം വിതരണം ചെയ്ത ഹോട്ടലിന്റെ മുഖ്യ പാചകക്കാരന് അറസ്റ്റിലായി. മജ്ലിസ് ഹോട്ടലിന്റെ മുഖ്യ പാചകക്കാരനെയാണ് അറസ്റ്റ് ചെയ്തത്. സംഭവത്തില് ഹോട്ടല് ഉടമകള്ക്ക് എതിരെ വധശ്രമത്തിന് കേസെടുത്തു. കൂടാതെ ഹോട്ടലിന്റെ ലൈസന്സ് സസ്പെന്റ് ചെയ്തതായി ആരോഗ്യമന്ത്രി വീണാ ജോര്ജ് അറിയിച്ചു. പറവൂര്, തൃശൂര്, കോഴിക്കോട്, കളമശ്ശേരി എന്നിവിടങ്ങളിലായാണ് ആളുകള് ചികിത്സ തേടിയിരിക്കുന്നത്. പറവൂര് മജ്ലിസ് ഹോട്ടലില് നിന്ന് കുഴിമന്തി കഴിച്ചവര്ക്കാണ് ഭക്ഷ്യ വിഷബാധയേറ്റത്.
27 പേരാണ് പറവൂര് ആശുപത്രിയില് മാത്രം ചികിത്സയിലുള്ളത്. 20പേര് സ്വകാര്യ ആശുപത്രിയില് ചികിത്സയിലാണ്. ഒരാളെ കളമശ്ശേരി മെഡിക്കല് കോളജിലേക്ക് മാറ്റി. തൃശൂരില് 12, കോഴിക്കോട് 4 എന്നിങ്ങനെയാണ് ചികിത്സ തേടിയത്. കോഴിക്കോട് ചികിത്സയിലുള്ളവര് ചെന്നൈയില് നിന്ന് കൊച്ചിയിലെത്തി ഇവിടെനിന്ന് കോഴിക്കോടേക്ക് പോയവരാണ്. പോകുന്നവഴി മജ്ലിസ് ഹോട്ടലില് നിന്ന് ഇവര് ഭക്ഷണം കഴിച്ചിരുന്നു. പുലര്ച്ചെ ശാരീരിക അസ്വസ്ഥത അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു.
English Summary: Ernakulam food poisoning: Chief cook of hotel arrested
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.