വിജ്ഞാന കേരളം പദ്ധതിയിലൂടെ അടുത്തവർഷം അഞ്ചുലക്ഷം വിദ്യാർഥികൾക്ക് തൊഴിൽ നൽകുമെന്ന് വിജ്ഞാന കേരളം ഉപദേഷ്ടാവ് ഡോ ടി എം തോമസ് ഐസക് പറഞ്ഞു. ജില്ലാ പഞ്ചായത്തിന്റെ നേതൃത്വത്തിൽ നടക്കുന്ന വിജ്ഞാന ആലപ്പുഴ മെഗാ തൊഴിൽമേളയ്ക്കു മുന്നോടിയായി സംഘടിപ്പിച്ച വെർച്വൽ ഇന്റർവ്യൂ ഉദ്ഘാടനം ചെയ്യുകയായിരുന്നു അദ്ദേഹം.
25,000 വിദ്യാർഥികൾക്ക് നൈപുണീവികസനത്തിൽ പരിശീലനം നൽകുകയാണ്. മേയ് മാസത്തോടെ ഇവർക്ക് ഓഫർ ലെറ്റർ നൽകും. മെഗാ തൊഴിൽമേളയ്ക്കുശേഷം എല്ലാ മാസവും ഒന്നോ രണ്ടോ തൊഴിൽമേളകൾ വീതം സംഘടിപ്പിക്കുമെന്നും നാലുമാസത്തിനുള്ളിൽ ജില്ലയിൽ 10,000 പേർക്കുകൂടി തൊഴിലുറപ്പാക്കുമെന്നും അദ്ദേഹം പറഞ്ഞു. എച്ച് സലാം എംഎൽഎ. അധ്യക്ഷനായി. കെ ജി രാജേശ്വരി, എൻ എസ് ശിവപ്രസാദ്, ഷീബാ രാകേഷ്, ബിനു ഐസക് രാജു, എം വി പ്രിയ, ആർ റിയാസ്, ഗീതാ ബാബു, നികേഷ് തമ്പി, വി ഉത്തമൻ തുടങ്ങിയവർ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.