റഷ്യയില്‍ ഉല്യാനോവ്സ്ക് മേഖലയിലെ കിന്റര്‍ഗാര്‍ട്ടനിലുണ്ടായ വെടിവയ്പില്‍ നാല് പേര്‍ മരിച്ചു. ആക്രമണത്തില്‍ രണ്ട് കുട്ടികളും അധ്യാപികയും അക്രമിയും കൊല്ലപ്പെട്ടതായി പ്രാദേശിക അധികൃതര്‍ സ്ഥിരീകരിച്ചു. മൂന്നിനും ആറിനുമിടയില്‍ പ്രായമുള്ള കുട്ടികളാണ് കൊല്ലപ്പെട്ടത്.
ആഭ്യന്തര സംഘര്‍ഷത്തിന്റെ ഭാഗമായുള്ള ആക്രമണമാണെന്നാണ് പൊലീസിന്റെ നിഗമനം. ഡബിള്‍ ബാരല്‍ തോക്കുമായാണ് ആക്രമി കിന്റര്‍ഗാര്‍ട്ടനിലേക്ക് പ്രവേശിച്ചത്. കാവല്‍ക്കാരാരും കിന്റര്‍ഗാര്‍ട്ടനില്‍ ഡ്യൂട്ടിയിലുണ്ടായിരുന്നില്ല. ആക്രമണത്തില്‍ ഒരാള്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. ആക്രമിയെ തിരിച്ചറിഞ്ഞിട്ടില്ല. കുട്ടികളെയും അധ്യാപികയേയും കൊലപ്പെടുത്തിയ ശേഷം ഇയാള്‍ ആത്മഹത്യ ചെയ്യുകയായിരുന്നുവെന്നാണ് വിവരം.
English Summary:Four killed in Kindergarten shooting in Russia
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.