സ്വർണ വിലയിൽ വൻ വർധന

റഷ്യ- ഉക്രെയ്ൻ യുദ്ധ പശ്ചാത്തലത്തിൽ ഓഹരി വിപണിയിൽ ഇടിവ്. സ്വർണ വിലയിൽ ഇന്ന് വൻ വർധനവാണ് രേഖപ്പെടുത്തിയത്. ഇന്ന് 800 രൂപയാണ് പവന് കൂടിയത്.

ഇതോടെ ഒരു പവൻ സ്വർണത്തിന്റെ വില 39,520 രൂപയായി. ഗ്രാമിന് നൂറു രൂപ കൂടി 4940 ആയി. ഈ മാസത്തെ ഏറ്റവും ഉയർന്ന വിലയാണിത്.

യുക്രൈൻ യുദ്ധവും തുടർന്ന് റഷ്യയ്ക്കെതിരെ ലോകരാജ്യങ്ങൾ പ്രഖ്യാപിച്ച ഉപരോധവും മൂലധന വിപണിയെ അനിശ്ചിതത്വത്തിലാക്കിയിരിക്കുകയാണ്. ഇന്ന് വ്യാപാരം പുനരാരംഭിച്ച ഓഹരി വിപണി കനത്ത നഷ്ടത്തിലാണ് തുടരുന്നത്. സെൻസെക്സ് 1500ലേറെയും നിഫ്റ്റി 450ഓളവും പോയിന്റ് താഴ്ന്നു.

eng­lish sum­ma­ry; Gold prices rise sharply

you may also like this video;