കര്ണാടകയില് വോട്ടെണ്ണല് തുടങ്ങി, ആദ്യ അരമണിക്കൂര് പിന്നിടുമ്പോള് ലീഡ് നിലയില് കോണ്ഗ്രസാണ് മുന്നില്. കുമാരസ്വാമി, നിഖില് കുമാരസ്വാമി, സിദ്ധരാമയ്യ, ഡി കെ ശിവകുമാര് എന്നിവര് മുന്നിലാണ്.
അതേസമയം ഷിഗാവോണില് മുഖ്യമന്ത്രി ബസവരാജ് ബൊമ്മെയാണ് മുന്നിലുള്ളത്.
ഏറ്റവും പുതിയ കണക്കുകള് പ്രകാരം 109 സ്ഥലത്ത് കോണ്ഗ്രസും 94 ഇടത്ത് ബിജെപിയും 14 ഇടത്ത് ജെഡിഎസും 2 ഇടത്ത് മറ്റുള്ളവരും ലീഡ് ചെയ്യുന്നു.
തെരഞ്ഞെടുപ്പ് ഫലം കാത്തിരിക്കുന്ന കര്ണാടകയില് വോട്ടെണ്ണല് തുടങ്ങി. ആദ്യം എണ്ണുന്നത് പോസ്റ്റല് വോട്ടുകളാണ്. 36 കേന്ദ്രങ്ങളിലായാണ് വോട്ടെണ്ണല് നടക്കുന്നത്.
224 അംഗ നിയമസഭയില് 113 സീറ്റാണ് കേവലഭൂരിപക്ഷത്തിന് വേണ്ടത്. എക്സിറ്റ് പോള് ഫലങ്ങളില് കോണ്ഗ്രസിന് മുന്തൂക്കം പ്രവചിക്കുന്നുണ്ടെങ്കിലും തൂക്കുസഭയ്ക്കുള്ള സാധ്യതയും കാണുന്നുണ്ട്. ജെഡിഎസ് നിര്ണായക ശക്തിയാകുമെന്നും പ്രവചനമുണ്ട്.
അതേസമയം അധികാരത്തിലേറാനുള്ള കേവല ഭൂരിപക്ഷം തികയ്ക്കാനായില്ലെങ്കില് കുതിരക്കച്ചവടം നടത്തുമെന്ന് ബിജെപിയുടെ പരസ്യപ്രഖ്യാപനം. മന്ത്രിയും ബിജെപി നേതാവുമായ ആര് അശോകയാണ് സര്ക്കാര് രൂപീകരിക്കാന് ചില നീക്കങ്ങള് നടത്തുമെന്ന് പ്രഖ്യാപിച്ചത്. ഒരു പ്രാദേശിക ചാനലിനോട് സംസാരിക്കവെയാണ് കേവല ഭൂരിപക്ഷം നേടിയില്ലെങ്കിലും ബിജെപി അധികാരത്തിലേറുമെന്ന് അശോക ആത്മവിശ്വാസം പ്രകടിപ്പിച്ചത്.
English Summary: karnataka election results
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.