ഫെബ്രുവരി ഒന്നുമുതല് സംസ്ഥാനത്ത് നടപ്പിലാക്കുന്ന ‘കേരളം സുരക്ഷിത ഭക്ഷണ ഇടം’ പദ്ധതിയുടെ ഭാഗമായി ഭക്ഷ്യ സുരക്ഷാ പരിശോധനകള് ശക്തമാക്കും.
ഭക്ഷ്യസുരക്ഷാ ഉദ്യോഗസ്ഥര്ക്ക് പുറമേ ആരോഗ്യ വകുപ്പിലെ ഹെല്ത്ത് ഇന്സ്പെക്ടര്മാരും പരിശോധനകളുടെ ഭാഗമാകും. പൊതുജനാരോഗ്യം മുന്നിര്ത്തി ഹോട്ടലുകള് റെസ്റ്റോറന്റുകള് ഉള്പ്പെടെയുള്ള ഭക്ഷ്യ സ്ഥാപനങ്ങളിലെ പൊതു ശുചിത്വം ഉറപ്പാക്കണമെന്ന് നിര്ദേശം നല്കിയിട്ടുണ്ട്. ഹെല്ത്ത് ഇന്സ്പെക്ടര്മാര് ശുചിത്വവും ഹെല്ത്ത് കാര്ഡും പരിശോധിക്കും. ഇതുസംബന്ധിച്ച മാര്ഗരേഖ ആരോഗ്യ വകുപ്പ് പുറത്തിറക്കും.
സംസ്ഥാനത്ത് ആരോഗ്യ വകുപ്പിന് കീഴില് 883 ഹെല്ത്ത് ഇന്സ്പെക്ടര്മാരും 176 ഹെല്ത്ത് സൂപ്പര്വൈസര്മാരും 1813 ജൂനിയര് ഹെല്ത്ത് ഇന്സ്പെക്ടര് ഗ്രേഡ് ഒന്നും 1813 ജൂനിയര് ഹെല്ത്ത് ഇന്സ്പെക്ടര് ഗ്രേഡ് രണ്ടുമുണ്ട്. ഭക്ഷ്യസുരക്ഷാ വകുപ്പില് 160 ഓളം ഭക്ഷ്യസുരക്ഷാ ഉദ്യോഗസ്ഥരുമുണ്ട്. ഇവരുടെ സഹായം കൂടിയാകുമ്പോള് ഭക്ഷ്യസ്ഥാപനങ്ങളില് കൂടുതല് പരിശോധനകള് നടത്താനാകും.
ഓരോ തദ്ദേശ സ്ഥാപനപരിധിയിലും ആരോഗ്യ വകുപ്പിന് കീഴില് ഹെല്ത്ത് ഇന്സ്പെക്ടറോ ചാര്ജുള്ള സീനിയറായ ജൂനിയര് ഹെല്ത്ത് ഇന്സ്പെക്ടറോ ഉണ്ട്. ഭക്ഷ്യസുരക്ഷയുമായി ബന്ധപ്പെട്ട പ്രശ്നമാണെങ്കില് ഭക്ഷ്യ സുരക്ഷാ ഉദ്യോഗസ്ഥരെ അറിയിച്ച് മേല് നടപടി സ്വീകരിക്കാനും സാധിക്കും.
ഭക്ഷ്യസുരക്ഷ ഉറപ്പ് വരുത്താന് എല്ലാവരുടെ പിന്തുണയും ആവശ്യമാണെന്ന് ആരോഗ്യമന്ത്രി വീണാജോര്ജ് പറഞ്ഞു. ജീവനക്കാര്ക്ക് ഹെല്ത്ത് കാര്ഡില്ലാത്ത സ്ഥാപനങ്ങള് പ്രവര്ത്തിക്കാന് പാടില്ല.തങ്ങളുടെ സ്ഥാപനങ്ങളില് സുരക്ഷിത ഭക്ഷണം വിളമ്പുന്നുവെന്ന് ഓരോ സ്ഥാപനവും ഉറപ്പ് വരുത്തണം. അതിലൂടെ ആ സ്ഥാപനത്തിന്റെ വിശ്വാസ്യതയ്ക്കും അഭിവൃദ്ധിക്കും ഏറെ സഹായിക്കുമെന്നും മന്ത്രി പറഞ്ഞു.
English Summary: ‘Kerala Safe Food Space’; Strict inspection from February 1
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.