ഇന്ത്യൻ സ്വാതന്ത്ര്യസമര ചരിത്രത്തിൽ ദീപ്തസ്മരണകൾ ഉറങ്ങുന്ന കുടുംബമാണ് കൊല്ലം ഉണ്ണിചെക്കം വീടിന്റേത്. സ്വന്തം തറവാട് ക്ഷേത്രത്തിൽ ക്ഷേത്രപ്രവേശന വിളംബരത്തിന് മുൻപ് തന്നെ അവർണർക്ക് പ്രവേശനം നൽകി വിപ്ലവം സൃഷ്ടിച്ചു. ഗാന്ധിജി ഈ തറവാട് സന്ദർശിച്ചിരുന്നു.
ഗാന്ധിജിയോടൊപ്പമാണ് ദളിതർ തറവാട്ടു വക അമ്പലത്തിൽ പ്രവേശിച്ചത്. കുടുംബാംഗമായിരുന്ന കെ ജി ശങ്കർ ആയിരുന്നു എതിർപ്പുകളെ അവഗണിച്ച് ഇതിന് നേതൃത്വം നൽകിയത്. ഗാന്ധിശിഷ്യനും പുരോഗമനവാദിയുമായിരുന്നു ശങ്കർ. ഇദ്ദേഹത്തിന്റെ സഹോദരനാണ് കൊല്ലം മുൻസിപ്പല്‍ ചെയര്‍മാനായിരുന്ന കെ ജി പരമേശ്വരൻ പിള്ള. തിരുവിതാംകൂർ നിയമസഭ അംഗവുമായിരുന്നു. കൊല്ലം ചിന്നക്കട ക്ലോക് ടവർ ഇദ്ദേഹത്തിന്റെ ഓർമ്മയ്ക്കായി നിർമ്മിക്കപ്പെട്ടതാണ്. ഗാന്ധിജി വന്നിരുന്ന ഉണ്ണിചെക്കം വീടിന്റെ ഭാഗമായ പാർവതി ഭവനം സംരക്ഷിക്കപ്പെട്ടിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.