രാധേ നീ മറന്നുവോ
രാധതൻ കണ്ണനെ
രാവിന്റെ വർണ്ണനെ
കണ്ണന്റെ മുരളിയും
മുരളിതൻ പാട്ടും
പാട്ടിന്റെ മാധുര്യം
കേട്ടു നീയിരുന്നതും
രാധേ നീ മറന്നുവോ
കാലികൾ മേയുന്ന
കാളിന്ദി തീരവും
തീരത്ത് പൂക്കുന്ന
തേങ്കിനിപ്പൂക്കളും
പൂക്കളിൽ പാറുന്ന
പൂമ്പാറ്റ കൂട്ടവും
രാധേ നീ മറന്നുവോ
പീലി തിരുകി നിൻ
നീലക്കാർവർണ്ണൻ
ചാരേയണയവെ
നാണിച്ചു നിന്നതും
പാൽച്ചിരി തൂകിയോൻ
കാട്ടിയ ലീലകൾ
പാടെ നീ മറന്നുവോ
നീലപ്പൂ മേനിയിൽ
പീതപ്പൂഞ്ചേലയും
നീ കോർത്ത മാല്യവും
കാലം കൊഴിഞ്ഞിട്ടും
രാധേ നീ മറന്നുവോ
രാധതൻ കണ്ണനെ
രാവിന്റെ വർണ്ണനെ
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.