മുൻ കേന്ദ്ര മന്ത്രി വി മുരളീധരൻ പക്ഷത്തെ വെട്ടിനിരത്തി ബിജെപി സംസ്ഥാന ഭാരവാഹി പട്ടിക പ്രഖ്യാപിച്ചു. 4 ജനറൽ സെക്രട്ടറിമാരിൽ ഒരാൾ പോലും മുരളീധര പക്ഷത്ത് നിന്നില്ല. എം ടി രമേശ്, ശോഭാ സുരേന്ദ്രൻ, അനൂപ് ആന്റണി, എസ് സുരേഷ് എന്നിവരാണ് ജനറൽ സെക്രട്ടറിമാർ. ഇവരെല്ലാം പി കെ കൃഷ്ണദാസ് അനുകൂലികളാണ്. പ്രഖ്യാപിച്ച പത്ത് വൈസ് പ്രസിഡന്റുമാരിൽ ഒരാൾ മുൻ ഡിജിപി ശ്രീലേഖയും പിസി ജോർജിന്റെ മകൻ ഷോൺ ജോർജുമാണ്. സി കൃഷ്ണകുമാറിനും വൈസ് പ്രസിഡന്റ് പദവി നൽകി. മുൻ കേന്ദ്ര മന്ത്രി വി മുരളീധരൻ, സംസ്ഥാന പ്രസിഡന്റ് കെ സുരേന്ദ്രൻ എന്നിവരുടെ ചുമതലകൾ സംബന്ധിച്ച് കേന്ദ്ര നേതൃത്വം വൈകാതെ തീരുമാനമെടുത്തേക്കും. സുരേന്ദ്രൻ ദേശിയ സെക്രട്ടറി ആകുമെന്നും അഭ്യുഹങ്ങളുണ്ട്. കൂടാതെ അടുത്ത ഒഴിവ് വരുന്ന മധ്യപ്രദേശ്, മഹാരാഷ്ട്ര സംസ്ഥാനങ്ങളിലെ രാജ്യസഭാ സീറ്റിലേക്കും പരിഗണിക്കുമെന്ന് സൂചനകളുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.