ജിഷ്ണു വധശ്രമക്കേസ്; മൂന്ന് എസ്ഡിപിഐ പ്രവർത്തകർ കൂടി കസ്റ്റഡിയിൽ

കോഴിക്കോട് ബാലുശ്ശേരി ഡിവൈഎഫ്ഐ പ്രവർത്തകൻ ജിഷ്ണു വധശ്രമക്കേസിൽ പാലോളി പെരിഞ്ചേരി റംഷാദ് (35) ചാത്തങ്കോത്ത് ജുനൈദ് (28) ചാത്തങ്കോത്ത് സുൽഫി (28) എന്നിവർ കൂടി കസ്റ്റഡിയിൽ. മൂന്ന് പേരും എസ്ഡിപിഐ പ്രവർത്തകരാണ്.

സജീവ ലീഗ് പ്രവർത്തകൻ സുബൈർ ശനിയാഴ്ച പിടിയിലായിരുന്നു. 29 പേരാണ് പ്രതിപട്ടികയിലുള്ളത്. ലീഗ് – എസ്ഡിപിഐ സംഘത്തിന്റെ ആക്രമണത്തിൽ ഗുരുതര പരുക്കേറ്റ ജിഷ്ണു ചികിത്സയിൽ തുടരുകയാണ്. കോഴിക്കോട് മെഡിക്കൽ കോളജ് ആശുപത്രിയിൽ കഴിയുന്ന ജിഷ്ണുവിന്റെ ആരോഗ്യ നിലയിൽ പുരോഗതിയുണ്ടെന്ന് ഡോക്ടർമാർ അറിയിച്ചു.

ബാലുശ്ശേരി ഡിവൈഎഫ്ഐ പ്രവർത്തകൻ ജിഷ്ണു വധശ്രമക്കേസിൽ പ്രാദേശിക എസ്ഡിപിഐ നേതാവിനായി അന്വേഷണം ഊർജിതമാക്കിയിരുന്നു. ഇവർ ഒളിവിൽ കഴിയാൻ സാധ്യതയുള്ള കേന്ദ്രങ്ങളിൽ പ്രത്യേക നിരീക്ഷണം ഏർപ്പെടുത്തി.

പേരാമ്പ്ര ഡിവൈഎസ്പിയുടെ നേതൃത്വത്തിലാണ് അന്വേഷണം പുരോഗമിക്കുന്നത്. ജിഷ്ണു വധശ്രമക്കേസിൽ ഇതുവരെ മൂന്ന് ലീഗ് പ്രവർത്തകരടക്കം അറ് പ്രതികൾ റിമാന്റിലാണ്.

Eng­lish summary;murder attempt against jish­nu; Three more SDPI activists in custody

You may also like this video;