സാമൂഹിക സുരക്ഷയെന്ന നിലയില്‍ ഇന്ത്യയിലുടനീളമുള്ള നിർദ്ധനരായ കുടുംബങ്ങൾക്ക് കേന്ദ്രം ആഴ്ചതോറും പണം നൽകണമെന്ന് രാജസ്ഥാൻ മുഖ്യമന്ത്രി അശോക് ഗെഹ്ലോട്ട്. യുഎസിലും യുകെയിലും നിലവില്‍ നടപ്പാക്കുന്ന ഇത്തരം പദ്ധതികള്‍ക്കു സമാനമായി രാജ്യത്തും സാമൂഹിക സുരക്ഷക്കായുള്ള പദ്ധതികള്‍ കേന്ദ്രം നടപ്പാക്കണം. ധാർഷ്ട്യത്തിനു പകരം സംസ്ഥാനങ്ങളിൽ നിന്ന് പാഠം ഉൾക്കൊണ്ട് അവരുടെ നല്ല പദ്ധതികൾ ദേശീയ തലത്തിൽ നടപ്പാക്കുകയാണ് സർക്കാർ ചെയ്യേണ്ടതെന്നും അദ്ദേഹം പറഞ്ഞു.
8 രൂപയ്ക്ക് ഭക്ഷണം നൽകുന്ന ‘ഇന്ദിര രസോയ്’ പദ്ധതി, ഇന്ദിരാഗാന്ധി നഗര തൊഴിൽ പദ്ധതി, സംസ്ഥാനത്തെ എല്ലാ സർക്കാർ ആശുപത്രികളിലും ചികിത്സ സൗജന്യമാക്കിയ ചിരഞ്ജീവി പദ്ധതി പ്രകാരമുള്ള 10 ലക്ഷം രൂപയുടെ ആരോഗ്യ ഇൻഷുറൻസ് എന്നിവ ചൂണ്ടിക്കാണിച്ചാണ് ഗെഹ്ലോട്ട് കേന്ദ്രത്തിനെ വിമര്‍ശിച്ചത്. സംസ്ഥാനങ്ങള്‍ ഇത്തരം പദ്ധതികളെ കുറിച്ച് പരസ്പരം പഠിക്കണമെന്നാണ് പ്രധാനമന്ത്രി വീഡിയോ കോണ്‍ഫറന്‍സിലൂടെ പറഞ്ഞത് എന്നാല്‍, കേന്ദ്രം അഹങ്കാരം വെടിഞ്ഞ് ഇത്തരം പദ്ധതികളെ കുറിച്ച് പഠിച്ച് അവ നടപ്പാക്കണമെന്നും ഗെഹ്ലോട്ട് കൂട്ടിച്ചേര്‍ത്തു.
English summary; Needy families in country should be paid weekly: Gehlot
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.