രണസ്മരണകളിരമ്പിയ അന്തരീക്ഷത്തിൽ വയലാറിലെ രക്തസാക്ഷി കുന്നിലും മേനാശ്ശേരയിലും ചെങ്കൊടിയുയർന്നു. ദേശീയ സ്വാതന്ത്ര്യ സമരത്തിന് ദിശാബോധമേകിയ തൊഴിലാളിവർഗ സമര ചരിത്രത്തിൽ തങ്കലിപികളാൽ അടയാളപ്പെടുത്തിയ സമരപോരാളികൾക്ക് നാട് ശോണാഭിവാദ്യമേകി.
76-ാമത് പുന്നപ്ര — വയലാർ രക്തസാക്ഷി വാരാചരണത്തിന്റെ ഭാഗമായി വയലാർ രക്തസാക്ഷി മണ്ഡപത്തിൽ ജാഥാ ക്യാപ്റ്റൻ എം കെ ഉത്തമനിൽ നിന്നും പതാക ജി ബാഹുലേയൻ ഏറ്റുവാങ്ങി. തുടർന്ന് സിപിഐ(എം) ജില്ലാ സെക്രട്ടറി ആർ നാസർ പതാക ഉയർത്തി. സമ്മേളനം കൃഷി മന്ത്രി പി പ്രസാദ് ഉദ്ഘാടനം ചെയ്തു. കേന്ദ്ര വാരാചരണ കമ്മിറ്റി പ്രസിഡന്റ് എൻ എസ് ശിവപ്രസാദ് അധ്യക്ഷനായി. സിപിഐ ജില്ലാ സെക്രട്ടറി ടി ജെ ആഞ്ചലോസ്, സിപിഐ(എം) സംസ്ഥാന കമ്മിറ്റിയംഗം സി ബി ചന്ദ്രബാബു, എ എം ആരിഫ് എംപി, ഡി സുരേഷ് ബാബു, ദലീമ ജോജോ എംഎൽഎ തുടങ്ങിയവർ പങ്കെടുത്തു.
വൈകിട്ട് മേനാശേരി രക്തസാക്ഷി മണ്ഡപത്തിൽ മുതിർന്ന കമ്മ്യൂണിസ്റ്റ് നേതാവ് എൻ കെ സഹദേവൻ പതാക ഉയർത്തി. തുടർന്നു നടന്ന സമ്മേളനത്തിൽ വാരാചരണ കമ്മിറ്റി പ്രസിഡന്റ് ടി എം ഷെറീഫ് അധ്യക്ഷനായി.
സെക്രട്ടറി പി ഡി ബിജു സ്വാഗതം പറഞ്ഞു. എഐവൈഎഫ് സംസ്ഥാന സെക്രട്ടറി ടി ടി ജിസ്‌മോൻ ഉദ്ഘാടനം ചെയ്തു. വി പി അനിത, എം സി സിദ്ധാർത്ഥൻ തുടങ്ങിയവർ പങ്കെടുത്തു.
English Summary: Red flag hoisted at Vayalar and Menassery: Heroic memories will burn
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.