കൊളംബിയയില്‍ ഇടതു നേതാവ് ഗസ്റ്റാവോ പെട്രോ വിജയം വരിക്കുമെന്ന് റിപ്പോര്‍ട്ട്. പ്രസിഡന്റ്, വൈസ്പ്രസിഡന്റ് തെരഞ്ഞെടുപ്പ് നാളെ നടക്കാനിരിക്കെയാണ് റിപ്പോര്‍ട്ട് പുറത്തു വന്നത്. പതിറ്റാണ്ടുകളായുള്ള വലതുപക്ഷ ഭരണത്തിന് അന്ത്യംകുറിച്ച് ഇടതുപക്ഷ മുന്നണിയായ ‘ഹിസ്റ്റോറിക്കല്‍ പാക്ടി‘ന്റെ ഗസ്റ്റാവോ പെട്രോ വിജയം വരിക്കുമെന്നാണ് റിപ്പോര്‍ട്ടുകള്‍. 3.9 കോടി വോട്ടര്‍മാരാണ് സമ്മതിദാനാവകാശം വിനിയോഗിക്കുക. മുന്‍ ഗറില്ലാ പോരാളികൂടിയായ പെട്രോയ്ക്ക് 41 ശതമാനം വോട്ടര്‍മാരുടെ പിന്തുണയുണ്ടെന്ന് ഏറ്റവും പുതിയ അഭിപ്രായ വോട്ടെടുപ്പ് വ്യക്തമാക്കി.
വലതുപക്ഷ സ്ഥാനാര്‍ഥി ഫെഡറികോ ഗട്ടിറെസിന് 27 ശതമാനവും അഴിമതിവിരുദ്ധ ലീഗ് സ്ഥാനാര്‍ഥി റൊഡോള്‍ഫോ ഹെര്‍ണാണ്ടസിന് 21 ശതമാനവും വോട്ടാണ് ലഭിച്ചത്. ആഫ്രോ കൊളംബിയന്‍ മനുഷ്യാവകാശ പ്രവര്‍ത്തക ഫ്രാന്‍ഷ്യ മാര്‍ക്വെസാണ് ഇടതുപക്ഷ മുന്നണിയുടെ വൈസ് പ്രസിഡന്റ് സ്ഥാനാര്‍ത്ഥി. ജയിച്ചാല്‍ കൊളംബിയയുടെ കറുത്ത വംശജയായ ആദ്യ വൈസ് പ്രസിഡന്റാകും ഇവര്‍. തെരഞ്ഞെടുപ്പിന്റെ ഭാഗമായി വിദേശത്തുള്ള കൊളംബിയന്‍ പൗരര്‍ 23മുതല്‍ വോട്ട് രേഖപ്പെടുത്തി തുടങ്ങി.
English summary; Report that the left will end right-wing rule in Colombia
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.