ഒരു ദിവസം 81 പേരുടെ വധശിക്ഷ നടപ്പാക്കി സൗദി അറേബ്യ. കൊലപാതകം, തീവ്രവാദം, തട്ടിക്കൊണ്ടു പോകല്‍, ബലാത്സംഗം, മയക്കുമരുന്ന് തുടങ്ങി മാരകമായ കുറ്റകൃത്യങ്ങളില്‍ പ്രതികളായവരെയാണ് തൂക്കിക്കൊന്നതെന്ന് സൗദി പ്രസ് ഏജന്‍സി പറഞ്ഞു.
73 സൗദി പൗരന്മാരും ഏഴ് യെമന്‍ പൗരന്മാരും ഒരു സിറിയന്‍ പൗരനും വധശിക്ഷയ്ക്ക് വിധേയരായവരില്‍ ഉള്‍പ്പെടുന്നു. അല്‍ ഖ്വയ്ദ, ഐഎസ് അംഗങ്ങളും ഇവരിലുണ്ട്. ഹുതി വിമത സംഘടനകളുമായി ബന്ധമുള്ള യെമന്‍ പൗരന്മാരാണ് വധശിക്ഷയ്ക്ക് വിധേയരായത്. ലോകത്തിന് മുഴുവന്‍ ഭീഷണിയായ ഭീകരവാദത്തിനെതിരെ തുടര്‍ന്നും കര്‍ശന നടപടി സ്വീകരിക്കുമെന്ന് സൗദി ഭരണകൂടം അറിയിച്ചു.
വധശിക്ഷയ്ക്ക് എതിരായ അപ്പീലുകളെല്ലാം പരിഗണിച്ച ശേഷം സുപ്രീംകോടതിയുടെ അനുമതിയോടെയാണ് വധശിക്ഷകള്‍ നടപ്പാക്കിയതെന്ന് അല്‍ അറേബിയ റിപ്പോര്‍ട്ട് ചെയ്തു. യെമനി പൗരന്മാര്‍ക്കെതിരെ സര്‍ക്കാരിനെ അട്ടിമറിക്കാന്‍ ശ്രമിച്ചതടക്കമുള്ള കുറ്റങ്ങളും ഗൂഢാലോചനയും ചുമത്തിയിരുന്നു.
കഴിഞ്ഞവര്‍ഷം 69 വധശിക്ഷകളാണ് സൗദിയില്‍ നടപ്പാക്കിയത്. ലോകത്ത് 50 രാജ്യങ്ങളില്‍ വധശിക്ഷ നിലനില്‍ക്കുന്നുണ്ട്. 2020 ല്‍ ആകെ റിപ്പോര്‍ട്ട് ചെയ്ത 483 വധശിക്ഷകളില്‍ 88 ശതമാനവും ഇറാന്‍, ഈജിപ്ത്, ഇറാഖ്, സൗദി അറേബ്യ എന്നീ രാജ്യങ്ങളിലാണ് നടപ്പാക്കിയിട്ടുള്ളത്.
English Summary: Saudi Arabia carries out 81 executions a day
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.