മത്സ്യബന്ധന മേഖലയിൽ സീപ്ലെയിൻ പദ്ധതി നടപ്പിലാക്കരുതെന്നാവശ്യപ്പെട്ട് സാർവദേശീയ മത്സ്യത്തൊഴിലാളി ദിനമായ നാളെ മുതൽ ഒരാഴ്ചക്കാലം ഒപ്പുശേഖരണം നടത്തുമെന്ന് മത്സ്യത്തൊഴിലാളി ഫെഡറേഷൻ (എഐടിയുസി) സംസ്ഥാന പ്രസിഡന്റ് ടി ജെ ആഞ്ചലോസും ജനറൽ സെക്രട്ടറി ടി രഘുവരനും അറിയിച്ചു. മാട്ടുപെട്ടി ഡാമിലേക്കുള്ള സീപ്ലെയിന് പദ്ധതി ആരംഭിച്ചത് മത്സ്യബന്ധന കേന്ദ്രമായ ബോൾഗാട്ടിയിൽ നിന്നാണെന്ന് അവർ ചൂണ്ടിക്കാട്ടി. എയർപോർട്ടിൽ നിന്നും ഡാമുകളിലേക്ക് സീപ്ലെയിൻ പദ്ധതി നടപ്പിലാക്കുന്നതിന് മത്സ്യത്തൊഴിലാളി സംഘടനകൾക്ക് എതിർപ്പില്ല. പക്ഷേ ഇത് സംബന്ധിച്ച് ടൂറിസം വകുപ്പ് ആദ്യം പ്രസിദ്ധീകരിച്ച അറിയിപ്പിൽ വേമ്പനാട്, അഷ്ടമുടി കായലുകൾ ലക്ഷ്യം വയ്ക്കുന്നുവെന്നതിൽ പ്രതിഷേധം നിലനിൽക്കുന്നതായി അവർ അറിയിച്ചു. വേമ്പനാട് കായലിന്റെ ജല സംഭരണശേഷി 85 ശതമാനം കുറഞ്ഞുവെന്ന പഠന റിപ്പോർട്ടുകൾ പുറത്ത് വന്നിട്ടും അതിന്മേൽ യാതൊരു നടപടിയും സ്വീകരിക്കാതെ സീപ്ലെയിൻ പദ്ധതിയിലേക്ക് ലക്ഷ്യംവയ്ക്കുന്നത് മത്സ്യമേഖലയുടെ താല്പര്യങ്ങൾക്കെതിരാണെന്നും അവർ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.