ജമ്മു കശ്മീരില്‍ സുരക്ഷാ സേനയുമായി നടന്ന ഏറ്റുമുട്ടലില്‍ രണ്ട് ലഷ്കര്‍-ഇ- ത്വയിബ ഭീകരര്‍ കൊല്ലപ്പെട്ടു. ബെമിന മേഖലയിൽ തിങ്കളാഴ്ചയാണ് ഏറ്റുമുട്ടലുണ്ടായത്. വെടിവയ്പ്പില്‍ ഒരു പൊലീസ് ഉദ്യോഗസ്ഥന് നിസാര പരിക്കേറ്റു. കൊല്ലപ്പെട്ട ഭീകരരിൽ ഒരാൾ പാകിസ്ഥാൻ നിവാസിയായ അബ്ദുല്ല ഗൗജ്രിയാണെന്ന് തിരിച്ചറിഞ്ഞു. കൊല്ലപ്പെട്ട രണ്ടാമത്തേയാൾ അനന്ത്‌നാഗ് ജില്ലയിൽ താമസിക്കുന്ന ആദിൽ ഹുസൈൻ മിർ ആണ്.
2018ൽ വാഗയിൽ നിന്ന് സന്ദർശന വിസയിലാണ് ഇയാൾ പാകിസ്ഥാനിലേക്ക് കടന്നത്. അതേസമയം പുൽവാമയിലുണ്ടായ ഏറ്റുമുട്ടലിൽ മൂന്ന് ലഷ്‌കർ-ഇ‑ത്വയ്ബ തീവ്രവാദികളെ സുരക്ഷാ സേന വധിച്ചിരുന്നു. മേയ് 13 ന് പൊലീസ് ഓഫീസർ റിയാസ് അഹമ്മദിനെ കൊലപ്പെടുത്തിയ സംഭവത്തിൽ ഇവരിൽ ഒരാൾക്ക് പങ്കുണ്ടെന്ന് തായി കശ്മീർ സോൺ പൊലീസ് ഇൻസ്പെക്ടർ ജനറൽ വിജയ് കുമാർ പറഞ്ഞു.
ജമ്മു കശ്മീർ പൊലീസിന്റെ കണക്കനുസരിച്ച് ഈ വർഷം 100 ഭീകരര്‍ കൊല്ലപ്പെട്ടതില്‍ 29 ഭീകരര്‍ വിദേശികളാണ്.
English Summary: Security forces kill two Lashkar-e-Taiba militants in Srinagar
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.