കോഴിക്കോട് ഗവ. ലോ കോളജിലെ SFI ഗുണ്ടായിസം അവസാനിപ്പിക്കണമെന്നും വിദ്യാർത്ഥികൾക്ക് സമാധാനപരമായി പഠിക്കുവാനുള്ള സാഹചര്യം ഉണ്ടാക്കണമെന്നും AlSF കോഴിക്കോട് ജില്ലാ കമ്മറ്റി പ്രസ്താവനയിലൂടെ ആവശ്യപ്പെട്ടു. കഴിഞ്ഞ കുറേയേറെ നാളുകളായി കോളജ് ക്യാംപസിനകത്ത് SFI ഉയർത്തുന്ന ഏക സംഘടനാവാദം വിദ്യാർത്ഥികളുടെ സ്വൈര്യജീവിതത്തെയും പഠനത്തെയും സാരമായി ബാധിക്കുന്നു. കഴിഞ്ഞ മൂന്നു മാസക്കാലത്തിനിടെ എണ്ണമറ്റ അക്രമപരമ്പരകളാണ് SFI യുടെ നേതൃത്വത്തിൽ ക്യാംപസിനകത്ത് അരങ്ങേറിയത്. വെള്ളിയാഴ്ച വൈകുന്നേരം AlSF യൂണിറ്റ് ഭാരവാഹികളായ ഡെൽവിൻ അഗസ്റ്റിനും അനുജസിനും നേരെ നടന്ന അക്രമം ഇതിന്റെ ഒടുവിലത്തെ ഉദാഹരണമാണ്. ഈ വിഷയങ്ങളിൽ കുറ്റക്കാരായ ആളുകളെ സംരക്ഷിക്കുന്ന പ്രവണത SFI അവസാനിപ്പിക്കണമെന്നും കോളേജിലെ പ്രബുദ്ധരായ വിദ്യാർത്ഥി സമൂഹം ഇതിനെതിരെ രംഗത്തു വരണമെന്നും AISF ജില്ലാ ഭാരവാഹികളായ അശ്വിൻ മനോജ്, ബി ദർശിത്ത് എന്നിവർ പ്രസ്താവനയിലൂടെ ആവശ്യപ്പെട്ടു.
English Summary: SFI Goondaism in Law College: AISF
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.