തമിഴ്നാട് ഗവര്ണര്ക്ക് തിരിച്ചടി. മുഖ്യമന്ത്രിയുടെ ശുപാര്ശയില്ലാതെ മന്ത്രിയെ പുറത്താക്കാന് ഗവര്ണര്ക്ക് അധികാരമില്ലെന്ന് സുപ്രീംകോടതി പറഞ്ഞു. ഒരു മന്ത്രിയെ പിരിച്ചുവിടാൻ ഗവർണർക്ക് മുഖ്യമന്ത്രിയുടെ ശുപാർശ ആവശ്യമാണെന്നും ഈ വിഷയത്തിൽ സ്വതന്ത്രമായി പ്രവർത്തിക്കാൻ കഴിയില്ലെന്നും ജസ്റ്റിസുമാരായ അഭയ് എസ് ഓക്ക, ഉജ്ജൽ ഭൂയാൻ എന്നിവരടങ്ങിയ ബെഞ്ച് വാക്കാൽ അഭിപ്രായപ്പെട്ടു.
സെന്തില് ബാലാജിയെ പുറത്താക്കണമെന്ന ഹര്ജിയിലാണ് കോടതി നിരീക്ഷണം. കള്ളപ്പണം വെളുപ്പിക്കൽ കേസിൽ എൻഫോഴ്സ്മെന്റ് ഡയറക്ടറേറ്റ് (ഇഡി) ബാലാജിയെ കഴിഞ്ഞ വർഷം അറസ്റ്റ് ചെയ്തിരുന്നു. 2011 നും 2015 നും ഇടയിൽ എഐഎഡിഎംകെയുടെ നേതൃത്വത്തിലുള്ള തമിഴ്നാട് സർക്കാരിൽ ഗതാഗത മന്ത്രിയായിരിക്കെ ജോലിക്ക് വേണ്ടിയുള്ള പണമിടപാട് കുംഭകോണത്തിൽ ഏർപ്പെട്ടതായി ആരോപിക്കപ്പെട്ട അദ്ദേഹം പിന്നീട് ഡിഎംകെയിൽ ചേർന്ന് 2021 ൽ മന്ത്രിയായി.
2023 സെപ്തംബറിൽ, സംസ്ഥാന കാബിനറ്റിൽ മന്ത്രിയായി ബാലാജി തുടരുന്നത് ഭരണഘടനാപരമായ ധാർമ്മികതയ്ക്ക് അനുകൂലമല്ല” എന്ന് മദ്രാസ് ഹൈക്കോടതി നിരീക്ഷിച്ചു.
അതിനാൽ അറസ്റ്റ് ചെയ്ത് ജുഡീഷ്യൽ കസ്റ്റഡിയിൽ വിട്ടെങ്കിലും ബാലാജി സംസ്ഥാന മന്ത്രിയായി തുടരണമോയെന്ന കാര്യത്തിൽ തീരുമാനമെടുക്കാൻ തമിഴ്നാട് മുഖ്യമന്ത്രി എംകെ സ്റ്റാലിനെ ഹൈക്കോടതി ഉപദേശിച്ചു. ഒരു മന്ത്രിസ്ഥാനം വഹിക്കുന്ന വ്യക്തിയെ ഭരണഘടനാ പ്രകാരമോ ഏതെങ്കിലും ചട്ടപ്രകാരമോ അയോഗ്യനാക്കിയിട്ടില്ലെങ്കിൽ ഗവർണർക്ക് ഏകപക്ഷീയമായി അയോഗ്യനാക്കാൻ കഴിയുമോ എന്നത് ചർച്ചാവിഷയമാകുമെന്നും ഹൈക്കോടതി ചൂണ്ടിക്കാട്ടി. എന്നാൽ ബാലാജിയെ മന്ത്രി സ്ഥാനത്ത് നിന്ന് നീക്കാൻ ഹൈക്കോടതി നിർദേശം നൽകിയിരുന്നില്ല.
English Summary: Tamil Nadu governor hits back: Supreme Court says governor has no power to sack minister
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.